കൂറ്റനാട് (പാലക്കാട്): തൃത്താല ആലൂരിൽ സ്കൂൾ മേൽക്കൂര തകർന്നുവീണു. തൃത്താല ആലൂർ എഎം യുപി സ്കൂളിൽ ശനിയാഴ്ച വൈകിട്ടാണ് അപകടം. ദ്രവിച്ച കഴുക്കോൽ മാറ്റാനുള്ള ശ്രമത്തിനിടെയാണ് അപകടമുണ്ടായത്.
മേൽക്കൂരയ്ക്ക് മുകളിൽനിന്നു താഴേക്ക് വീണ് ആലൂർ സ്വദേശിയായ തൊഴിലാളിക്കു പരുക്കേറ്റു. ഓട് വീണ് മറ്റൊരു തൊഴിലാളിക്കും പരുക്കേറ്റു. ഇരുവരെയും എടപ്പാളിലെ സ്വകാര്യ ആശുപത്രിയിൽ പ്രവേശിപ്പിച്ചു. സ്കൂളിന്റെ ചോർച്ചയുള്ള ഭാഗത്ത് അറ്റകുറ്റപ്പണി നടത്തുന്നതിനിടെയാണ് അപകടം.
