Saturday, 15 February - 2025

ഫെയ്സ്ബുക്കിലൂടെ പ്രവാസി യുവതിയെന്ന വ്യാജേന തട്ടിപ്പ്; യുവാവ് പിടിയിൽ

കൊടുങ്ങല്ലൂർ: പ്രവാസി യുവതി ആണെന്നു തെറ്റിദ്ധരിപ്പിച്ചു ജീവകാരുണ്യ പ്രവർത്തനത്തിന്റെ മറവിൽ എറിയാട് സ്വദേശിയെ കബളിപ്പിച്ചു 22 ലക്ഷം രൂപ തട്ടിയ കോഴിക്കോട് ആവള മന്നമാൾ ലത്തീഫിനെ (44) സൈബർ പൊലീസ് അറസ്റ്റ് ചെയ്തു. അബ്ദുൽ റഹ്മാനെയാണു കബളിപ്പിച്ചത്.

‘നദീറാ ഷാൻ’ എന്ന പേരിൽ ഫെയ്സ്ബുക്കിലൂടെയാണ് ലത്തീഫ് അബ്ദുൽ റഹ്മാനെ പരിചയപ്പെട്ടത്. തന്റെ 11 വയസ്സുളള മകൾ രക്താർബുദം മൂലം ചികിത്സയിലാണെന്നു തെറ്റിദ്ധരിപ്പിച്ചു 15 ലക്ഷം രൂപ തട്ടിയെടുത്തു. പിന്നീട്, അനുജത്തിയുടെ ഭർത്താവിന്റെ കാൻസർ ചികിത്സയ്ക്കെന്ന പേരിൽ എട്ടു ലക്ഷം രൂപയും പല തവണയായി കൈക്കലാക്കി.

വിവിധ പേരുകളിൽ വിളിച്ചു വീണ്ടും പണം ആവശ്യപ്പെട്ടപ്പോഴാണ് തട്ടിപ്പ് മനസ്സിലായത്. പണം തിരികെ ചോദിച്ചപ്പോൾ ലഭിച്ചില്ല. ഇതോടെ അബ്ദുൽ റഹ്മാൻ സൈബർ പൊലീസിൽ പരാതി നൽകുകയായിരുന്നു. കോഴിക്കോട് കുറ്റ്യാടി, മേപ്പയൂർ പൊലീസ് സ്റ്റേഷനുകളിൽ 4 ക്രിമിനൽ കേസിലെ പ്രതിയാണ് ലത്തീഫ് എന്നു പൊലീസ് പറഞ്ഞു.

Most Popular

error: