ബെംഗളൂരു: പട്ടാപ്പകല് സുരക്ഷാജീവനക്കാര്ക്ക് നേരേ വെടിയുതിര്ത്ത് എ.ടി.എമ്മില് നിറയ്ക്കാനെത്തിച്ച പണം കവര്ന്നു. വ്യാഴാഴ്ച രാവിലെ കര്ണാടകയിലെ ബിദറിലായിരുന്നു നടുക്കുന്ന സംഭവം. ഇതിന്റെ വീഡിയോദൃശ്യങ്ങളും പുറത്തുവന്നിട്ടുണ്ട്. സംഭവത്തിൽ വെടിയേറ്റ രണ്ട് സുരക്ഷാ ജീവനക്കാരും മരിച്ചു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
എസ്.ബി.ഐ. എ.ടി.എമ്മില് നിറയ്ക്കാനായി കൊണ്ടുവന്ന 93 ലക്ഷത്തോളം രൂപയാണ് ബൈക്കിലെത്തിയ അക്രമികള് കവര്ന്നതെന്നാണ് പ്രാദേശികമാധ്യമങ്ങളുടെ റിപ്പോര്ട്ട്. രണ്ട് സുരക്ഷാജീവനക്കാരാണ് പണം കൊണ്ടുവന്ന വാഹനത്തിലുണ്ടായിരുന്നത്. പണംകൊണ്ടുവന്ന വാഹനം എ.ടി.എം. കൗണ്ടറിന് മുന്നില് നിര്ത്തിയതിന് പിന്നാലെ ബൈക്കിലെത്തിയ രണ്ടുപേര് ഇവര്ക്ക് നേരേ വെടിയുതിര്ക്കുകയും പണം സൂക്ഷിച്ച പെട്ടികളുമായി ബൈക്കില് കടന്നുകളയുകയുമായിരുന്നു.
വെടിയേറ്റവരില് ഒരാള് സംഭവസ്ഥലത്തുവെച്ച് തന്നെ കൊല്ലപ്പെട്ടതായാണ് റിപ്പോര്ട്ട്. ഗുരുതരമായി പരിക്കേറ്റയാൾ പിന്നീട് ആശുപത്രിയില്വെച്ച് മരിച്ചതായും പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു. വെടിവെപ്പ് നടത്തിയശേഷം അക്രമികള് പണപ്പെട്ടിയുമായി ബൈക്കില് രക്ഷപ്പെടുന്നതിന്റെ ദൃശ്യങ്ങളും പുറത്തുവന്നിട്ടുണ്ട്.
പട്ടാപ്പകല് ആളുകള് നോക്കിനില്ക്കേ തിരക്കേറിയ റോഡിലായിരുന്നു സംഭവം. ബൈക്കിലെത്തിയ രണ്ടുപ്രതികളും ഹെല്മെറ്റ് ധരിച്ചിരുന്നു. സംഭവത്തില് പോലീസ് അന്വേഷണം ഊര്ജിതമാക്കിയതായാണ് റിപ്പോര്ട്ട്.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക