ആശുപത്രികളും ശ്മശാനങ്ങളും നിറയുന്നുവെന്ന് റിപ്പോര്ട്ട്, ആശങ്കയോടെ ലോകം
ചൈനീസ് ആരോഗ്യ അധികാരികളും ലോകാരോഗ്യ സംഘടനയും പുതിയ മഹാമാരി സ്ഥിരീകരിക്കുകയോ ജാഗ്രത പാലിക്കണമെന്ന് മുന്നറിയിപ്പ് നൽകുകയോ ചെയ്തിട്ടില്ല
ന്യൂഡല്ഹി: കൊവിഡ് -19 പാൻഡെമിക് കഴിഞ്ഞ് അഞ്ച് വർഷത്തിന് ശേഷം ഹ്യൂമൻ മെറ്റാപ് ന്യൂമോവൈറസ് (എച്ച്എംപിവി) വൈറസ് വ്യാപകമാകുന്നു. റിപ്പോർട്ടുകളും സോഷ്യൽ മീഡിയ പോസ്റ്റുകളും അനുസരിച്ച്, ആശുപത്രികളിൽ രോഗബാധിതരായ വ്യക്തികൾ നിറഞ്ഞു കവിഞ്ഞു. ശ്മശാനങ്ങളും നിറഞ്ഞതായും റിപ്പോർട്ടുകൾ ഉണ്ട്. ഇൻഫ്ലുവൻസ A, HMPV, Mycoplasma pneumoniae, Covid-19 എന്നിവയുൾപ്പെടെ ഒന്നിലധികം വൈറസുകൾ ചൈനയിൽ പ്രചരിക്കുന്നുണ്ടെന്ന് ചില സോഷ്യൽ മീഡിയ ഉപയോക്താക്കൾ അവകാശപ്പെടുന്നു. ചൈന അടിയന്തരാവസ്ഥ പ്രഖ്യാപിച്ചതായി പോലും അവകാശവാദങ്ങളുണ്ട്, എന്നിരുന്നാലും, ഔദ്യോഗിക സ്ഥിരീകരണമില്ല.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
HMPV ഫ്ലൂ പോലുള്ള ലക്ഷണങ്ങൾ ഉണ്ടാക്കുന്നു. വൈറസ് സാധാരണയായി മുകളിലെ ശ്വസനവ്യവസ്ഥയെയാണ് ബാധിക്കുന്നത്. പക്ഷേ ചിലപ്പോൾ താഴ്ന്ന ശ്വാസകോശ അണുബാധയ്ക്ക് കാരണമാകാമെന്നാണ് പറയപ്പെടുന്നത്. ശൈത്യകാലത്തും വസന്തത്തിൻ്റെ തുടക്കത്തിലും HMPV സാധാരണമാണ്.
അതേസമയം, ചൈനയില് അതിവേഗം പടരുന്ന ഹ്യൂമന് മെറ്റാന്യൂമോവൈറസ് (എച്ച്.എം.പി.വി.) സംബന്ധിച്ച് ആശങ്കയുടെ ആവശ്യമില്ലെന്ന് ഡയറക്ടറേറ്റ് ജനറല് ഓഫ് ഹെല്ത്ത് സര്വീസ് (ഡിജിഎച്ച്എസ്) ഡോക്ടര് അതുല് ഗോയല്. ഇന്ത്യയില് ഇതുവരെ ഡിജിഎച്ച്എസ് റിപ്പോര്ട്ട് ചെയ്തിട്ടില്ലെന്നും ജലദോഷത്തിന് കാരണമാകുന്ന ഒരു സാധാരണ ശ്വസനപ്രശ്നം മാത്രമാണിതെന്നും അദ്ദേഹം പറഞ്ഞു.
ശ്വാസകോശ സംബന്ധമായ അണുബാധകള്ക്കെതിരെ സാധാരണ എടുക്കാറുള്ള പൊതുവായ മുന്കരുതലുകള് സ്വീകരിക്കാനും ഡോ.അതുല് ഗോയല് നിര്ദേശിച്ചു. ഇപ്പോഴത്തെ സാഹചര്യത്തില് പരിഭ്രാന്തരാകേണ്ട കാര്യമില്ലെന്നും അദ്ദേഹം കൂട്ടിച്ചേര്ത്തു.
എച്ച്.എം.പി.വി. വ്യാപനം സംബന്ധിച്ച് സൂക്ഷമമായി നിരീക്ഷിച്ച് വരികയാണെന്ന് നേരത്തെ കേന്ദ്ര ആരോഗ്യ മന്ത്രാലയം അറിയിച്ചിരുന്നു. ഇതിന് പിന്നാലെയാണ് ആരോഗ്യമന്ത്രാലയത്തിന് കീഴിലുള്ള ഉന്നത ഉദ്യോഗസ്ഥന്റെ പ്രതികരണം.
‘ചൈനയില് മെറ്റാന്യൂമോവൈറസ് പൊട്ടിപ്പുറപ്പെട്ടതായി വാര്ത്തകള് പ്രചരിക്കുന്നുണ്ട്. ആ കണക്കില് ഞാന് വളരെ വ്യക്തമായി പറയട്ടെ. ജലദോഷത്തിന് കാരണമാകുന്ന സാധാരണ ശ്വസനസംബന്ധമായ വൈറസിനെ പോലെയാണ് മെറ്റാപ്ന്യൂമോവൈറസ്, വളരെ പ്രായമായവരിലും വളെര പ്രായം കുറഞ്ഞവരിലും ഇത് ഒരു പനി പോലുള്ള ലക്ഷണങ്ങള്ക്ക് കാരണമാകും’ഡോ. അതുല് ഗോയല് പറഞ്ഞു.
രാജ്യത്തിനകത്ത് ശ്വാസകോശ സംബന്ധമായ പകര്ച്ചവ്യാധികളുടെ ഡാറ്റ തങ്ങള് വിശകലനം ചെയ്തിട്ടുണ്ട്. 2024 ഡിസംബറിലെ ഡാറ്റയില് കാര്യമായ വര്ദ്ധനവ് ഉണ്ടായിട്ടില്ല, തങ്ങളുടെ ഏതെങ്കിലും സ്ഥാപനങ്ങളില് നിന്ന് വലിയ അളവില് റിപ്പോര്ട്ട് ചെയ്യപ്പെട്ട കേസുകളൊന്നും ഇല്ലെന്നും അദ്ദേഹം കൂട്ടിച്ചേര്ത്തു. ശൈത്യകാലത്ത് ശ്വാസകോശ സംബന്ധമായ വൈറസ് അണുബാധകള് ഉണ്ടാകാറുണ്ടെന്നും അതിനായി ആശുപത്രികള് സാധാരണയായി തയ്യാറെടുക്കാറുണ്ടെന്നും അദ്ദേഹം വ്യക്തമാക്കി.
‘ഞാന് പൊതുജനങ്ങളെ അറിയിക്കാന് ആഗ്രഹിക്കുന്ന ഒരു കാര്യം, എല്ലാ ശ്വാസകോശ സംബന്ധമായ അണുബാധകള്ക്കെതിരെയും ഉപയോഗിക്കുന്ന പൊതുവായ മുന്കരുതലുകള് എടുക്കുക എന്നതാണ്, അതായത് ആര്ക്കെങ്കിലും ചുമയും ജലദോഷവും ഉണ്ടെങ്കില്, നിങ്ങള് കൂടുതല് ആളുകളുമായി സമ്പര്ക്കം പുലര്ത്തുന്നത് ഒഴിവാക്കണം. ജലദോഷമോ പനിയോ ഉള്ളപ്പോഴെല്ലാം ആവശ്യമായ സാധാരണ മരുന്നുകള് കഴിക്കുക.നിലവിലെ അവസ്ഥയെക്കുറിച്ച് പരിഭ്രാന്തരാകേണ്ടതില്ല’ അതുല് ഗോയല് പറഞ്ഞു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
