ചേലക്കര: ചേലക്കരയിലെ സ്ഥാനാർത്ഥി നിര്ണയം തെറ്റിയെന്ന് കോണ്ഗ്രസിനുള്ളില് വിമര്ശനം. രമ്യ ഹരിദാസിനെ സ്ഥാനാർത്ഥിയാക്കിയതിനെതിരെ മണ്ഡലത്തിനുള്ളിലെ നേതാക്കള് തന്നെ രംഗത്ത്.
ആലത്തൂര് ലോക്സഭ മണ്ഡലത്തിലെ തോല്വിക്ക് പിന്നാലെ നിയമസഭ മണ്ഡലത്തില് സ്ഥാനാർത്ഥിയാക്കിയത് തെറ്റായ തീരുമാനമെന്നാണ് വിമർശനം. മണ്ഡലത്തില് നിന്നുള്ളവരെ സ്ഥാനാർത്ഥിയാക്കിയ മുന്നണികള് നേട്ടമുണ്ടാക്കിയതും ചൂണ്ടിക്കാട്ടി. ഭരണവിരുദ്ധ വികാരം വോട്ടാകാതിരുന്നത് സ്ഥാനാർത്ഥിത്വത്തിന്റെ പ്രശ്നമാണെന്നും പരാതിയുണ്ട്. ചേലക്കരയില് 12,201 വോട്ടുകള്ക്കാണ് യുഡിഎഫ് തോറ്റത്. ഇതിന് പിന്നാലെയാണ് മണ്ഡലത്തിനുള്ളിലെ കോണ്ഗ്രസ് നേതാക്കള് പരാതി ഉയര്ത്തിയത്.
അതേസമയം, എൽഡിഎഫ് സർക്കാരിന്റെ ജനപിന്തുണയും അംഗീകാരവും കൂടുതൽ ദൃഢമാക്കുന്നതാണ് നിയമസഭാ ഉപതിരഞ്ഞെടുപ്പ് ഫലങ്ങളെന്ന് മുഖ്യമന്ത്രി പിണറായി വിജയൻ പറഞ്ഞു. ‘സംഘടിതമായ കുപ്രചാരങ്ങളെയും കടന്നാക്രമണങ്ങളെയും മുഖവിലയ്ക്കെടുക്കാതെയാണ് ജനങ്ങൾ ചേലക്കര നിയോജക മണ്ഡലത്തിൽ ഇടതുപക്ഷ ജനാധിപത്യമുന്നണിക്ക് തിളങ്ങുന്ന വിജയം നൽകിയത്.
