റിയാദ്: ആറു മാസം മുമ്പ് പ്രഖ്യാപിച്ച ട്രാഫിക് പിഴയിളവ് ആനുകൂല്യം ആറുമാസത്തേക്ക് കൂടി ദീർഘിപ്പിച്ചതായി സഊദി ആഭ്യന്തരമന്ത്രാലയം അറിയിച്ചു. പിഴയിളവ് കാലയളവ് ഇന്ന് രാത്രി അവസാനിക്കാനിരിക്കെയാണ് 2025 ഏപ്രിൽ 18 വരെ ദീർഘിപ്പിച്ചതായി ആഭ്യന്തരമന്ത്രാലയം വാർത്താകുറിപ്പിൽ അറിയിച്ചത്.
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
ഉന്നത ഭരണനേതൃത്വത്തിന്റെ നിർദേശത്തെ തുടർന്നാണ് ആറു മാസം കൂടി സാവകാശം അനുവദിക്കുന്നത്. 2024 ഏപ്രില് 18 നു മുമ്പ് ചുമത്തിയ ട്രാഫിക് പിഴകളിലാണ് 50 ശതമാനം ഇളവ് അനുവദിക്കുന്നത്. ആനുകൂല്യ കാലാവധി നാളെ അവസാനിരിക്കെയാണ് പുതിയ പ്രഖ്യാപനം. മുഴുവന് പിഴകളും ഒന്നിച്ചോ ഓരോ നിയമ ലംഘനങ്ങള്ക്കുമുള്ള പിഴകള് പ്രത്യേകം പ്രത്യേകമായോ അടക്കാവുന്നതാണ്.
അതേ സമയം, പിഴകളിൽ ഇളവ് നൽകുന്നത് 4 നിയമ ലംഘനങ്ങൾക്ക് ബാധകമാകില്ല എന്നും മുറൂർ ഓർമ്മിപ്പിക്കുന്നു. ഡ്രിഫ്റ്റിംഗ്, ലഹരി ഉപയോഗിച്ചുള്ള ഡ്രൈവിംഗ്, പരമാവധി വേഗത 120 km /h ഉള്ള റോഡുകളിൽ വേഗത പരിധിക്കപ്പുറം 50 കിലോമീറ്ററും കവിയുക, കൂടാതെ പരമാവധി വേഗത 140 km/h ഉള്ള റോഡുകളിൽ വേഗത പരിധിക്കപ്പുറം 30 km/h-ൽ കൂടുതൽ കവിയുക എന്നിവയാണ് ഇളവ് ലഭിക്കാത്ത നാലു നിയമ ലംഘനങ്ങൾ. സഊദി പൗരന്മാര്ക്കും വിദേശികള്ക്കും ഗള്ഫ് പൗരന്മാര്ക്കും സന്ദര്ശകര്ക്കും പിഴയിളവ് ആനുകൂല്യം പ്രയോജനപ്പെടുത്താന് സാധിക്കും.
ഏപ്രില് 18 നു മുമ്പ് ചുമത്തിയ ട്രാഫിക് പിഴകളില് 50 ശതമാനം ഇളവ് പ്രാബല്യത്തില്വന്ന ശേഷം നടത്തുന്ന ഗതാഗത നിയമ ലംഘനങ്ങളില് ട്രാഫിക് നിയമത്തിലെ 75ാം വകുപ്പ് പ്രകാരം 25 ശതമാനം പിഴയിളവ് അനുവദിക്കുന്നുണ്ട്. ഗതാഗത നിയമ ലംഘനം രജിസ്റ്റര് ചെയ്തതില് അപ്പീല് നല്കാനും പിഴ അടക്കാനുമുള്ള നിയമാനുസൃത സമയപരിധി അവസാനിച്ച ശേഷം ഇത്തരക്കാരുടെ അക്കൗണ്ടുകളില് നിന്ന് പിഴ തുക നേരിട്ട് വസൂലാക്കാന് നിയമം അനുവദിക്കുന്നുണ്ട്. പിഴയിളവ് ആനുകൂല്യം പ്രാബല്യത്തില് വരുന്നതിനു മുമ്പ് ചുമത്തിയ മുഴുവന് ട്രാഫിക് പിഴകളിലും 50 ശതമാനം ഇളവ് ലഭിക്കും.
https://x.com/MOISaudiArabia/status/1846883875760624034?t=dzMQw8dgQdJWBwbO0ZqaIw&s=19
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
പ്രവാസവുമായി ബന്ധപ്പെട്ട നിങ്ങളുടെ അനുഭവങ്ങൾ, ലേഖനങ്ങൾ, കഥകൾ എന്നിവ പ്രസിദ്ധീകരിക്കുവാൻ ആഗ്രഹിക്കുന്നുവെങ്കിൽ gulfupdates.malayalam@gmail.com എന്ന ഇമെയിൽ വിലാസത്തിലോ https://wa.me/917907309377 എന്ന വാട്ട്സ് ആപ്പ് നമ്പറിലേക്കോ അയക്കുക
