കാലുവെട്ടിയാൽ വീൽചെയറിൽ വരും, പിന്തിരിയില്ല; വെടിവെച്ചുകൊല്ലേണ്ടി വരും, പറ്റുമെങ്കിൽ ചെയ്യ് എന്നും PV അൻവർ
മുഖ്യമന്ത്രിയ്ക്കെതിരെ ഉള്പ്പെടെ നടത്തിയ അതിരുകടന്ന വിമര്ശനങ്ങള്ക്ക് ശേഷം നിലമ്പൂരില് വിളിച്ചുചേര്ത്ത രാഷ്ട്രീയ വിശദീകരണ യോഗത്തില് വന്ജനാവലിയെ സാക്ഷിയാക്കി ആഭ്യന്തരവകുപ്പിനെതിരെ ആരോപണം തുടര്ന്ന് പി വി അന്വര്. പൊലീസിന് സ്വര്ണം പൊട്ടിക്കലില് പങ്കുണ്ടെന്ന ആരോപണം അന്വര് ഇന്ന് കുറച്ചുകൂടി രൂക്ഷമായി ആവര്ത്തിച്ചു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
പൊലീസിന്റെ സ്വര്ണം പൊട്ടിക്കലിന് കസ്റ്റംസും കൂട്ടുനില്ക്കുന്നുണ്ടെന്നും കരിപ്പൂര് വിമാനത്താവളം വഴി തട്ടിപ്പ് തുടങ്ങിയിട്ട് 3 വര്ഷമായെന്നും പി വി അന്വര് പറഞ്ഞു. സ്വര്ണക്കടത്ത് വിഷയത്തില് മുഖ്യമന്ത്രി തന്നെ കള്ളനാക്കാന് നോക്കിയപ്പോഴാണ് താന് രണ്ടും കല്പ്പിച്ച് ഇറങ്ങിയതെന്നും പരമാവധി തെളിവുകള് ശേഖരിച്ചെന്നും അന്വര് കൂട്ടിച്ചേര്ത്തു.
കാലുവെട്ടിയാൽ വീൽ ചെയറിൽ വരുമെന്നും അതുകൊണ്ടൊന്നും പിന്തിരിയുമെന്ന് ആരും കരുതേണ്ട എന്നും പി.വി. അൻവർ എം.എൽ.എ വ്യക്തമാക്കി. കഴിഞ്ഞദിവസം അദ്ദേഹത്തിനെതിരേ സി.പി.എം. കൊലവിളി മുദ്രാവാക്യവുമായി രംഗത്തെത്തിയിരുന്നു. ഇതിന് പിന്നാലെയാണ് ഇപ്പോൾ പി.വി. അൻവർ വിശദീകരണ യോഗത്തിൽ സംസാരിച്ചത്.
‘എന്നെ എം.എൽ.എ. ആക്കിയവരാണ് ഈ നാട്ടിലെ മഹാഭൂരിപക്ഷം സഖാക്കളും. രാപ്പകലില്ലാതെ അധ്വാനിച്ചവരാണ്. ഞാൻ മറക്കൂല്ല. നിങ്ങൾ കാല് വെട്ടാൻ വന്നാലും ആ കാല് നിങ്ങൾ കൊണ്ടുപോയാലും ഞാൻ വീൽ ചെയറിൽ വരും. അതുകൊണ്ടൊന്നും പിന്തിരിയുമെന്ന് ആരും കരുതണ്ട, വെടിവെച്ചു കൊല്ലേണ്ടി വരും. പറ്റുമെങ്കിൽ ചെയ്യ്. അല്ലെങ്കിൽ ജയിലിലിൽ അടക്കേണ്ടി വരും. പലതും വരുന്നുണ്ടല്ലോ. ഞാൻ ഏതായാലും ഒരുങ്ങി നിൽക്കുകയാണ്’- പി.വി. അൻവർ പറഞ്ഞു.
കേസെടുത്ത വാർത്ത വന്നപ്പോൾ ഞാൻ കൂടെ നിൽക്കുന്നവരോട് പറഞ്ഞത് സിഗററ്റ് ജയിലിലേക്ക് കൊണ്ടുതരണമെന്നാണ്. അത് ജയിലിൽ കിട്ടില്ല. ഞാൻ ഓരോ ദിവസവും ഓരോ മണിക്കൂറിലും തയ്യാറെടുത്ത് നില്ക്കുകയാണെന്നും അദ്ദേഹം പറഞ്ഞു. വന് ജനാവലിയാണ് യോഗത്തിന് എത്തിയിട്ടുള്ളത്.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
