ജിദ്ദ: ഏതെങ്കിലും കോളുകളോട് പ്രതികരിക്കുന്നതിനെതിരെ ആഭ്യന്തര മന്ത്രാലയത്തിൻ്റെ ഇലക്ട്രോണിക് പ്ലാറ്റ്ഫോമായ “അബ്ഷിർ” മുന്നറിയിപ്പ് നൽകി. ഇത്തരം കോളുകളോട് പ്രതികരിക്കരുതെന്ന് പ്ലാറ്റ്ഫോം അതിന്റെ ബോധവൽക്കരണ സന്ദേശങ്ങളിൽ പൗരന്മാരോടും, താമസക്കാരോടും ആഹ്വാനം ചെയ്തു.
ഡിജിറ്റൽ ഐഡന്റിറ്റി കൈക്കലാക്കുന്നതിനും, സാമ്പത്തിക ഇടപാടുകൾ നടത്തുന്നതിനുമുള്ള സ്ഥിരീകരണ കോഡ് നേടുകയാണ് ഇത്തരക്കാരുടെ ലക്ഷ്യമെന്ന് അബഷിർ ചൂണ്ടിക്കാട്ടി.
യൂസർ നെയിം, പാസ്വേഡ്, സ്ഥിരീകരണ കോഡ് എന്നിവ ഏതെങ്കിലും കക്ഷിയുമായോ വ്യക്തിയുമായോ പങ്കിടരുതെന്നും ഡാറ്റയുടെ രഹസ്യസ്വഭാവം നിലനിർത്തണമെന്നും പ്ലാറ്റ്ഫോം ഓർമ്മിപ്പിച്ചു.
സ്വകാര്യത സംരക്ഷിക്കുന്നതിനും വഞ്ചനയ്ക്ക് വിധേയരാകാതിരിക്കുന്നതിനും സുരക്ഷിതമല്ലാത്ത സൈറ്റുകൾ സന്ദർശിച്ച് ലോഗിൻ ചെയ്യരുതെന്നും അബ്ഷിർ ഓർമ്മിപ്പിച്ചു.
അബ്ഷിർ ഉപയോഗിക്കുന്നവരെ അവർക്ക് സംഭവിക്കാവുന്ന ഏതെങ്കിലും വഞ്ചന ഒഴിവാക്കാൻ, അവരുടെ വിവരങ്ങളും ഡാറ്റയും മറ്റുള്ളവരുമായി പങ്കിടാതിരിക്കേണ്ടതിന്റെ ആവശ്യകതയെക്കുറിച്ച് ബോധവൽക്കരിക്കുക എന്ന ലക്ഷ്യത്തോടെയാണ് കാമ്പെയിൻ തുടങ്ങിയിരിക്കുന്നത്.
