തെല് അവിവ്: ഗസ്സയില് വീണ്ടും ഇസ്രായേലിന്റെ കൂട്ടക്കൊല. അഭയാര്ഥികള് താമസിക്കുന്ന ഗസ്സയിലെ സ്കൂളിന് നേരെ ഇസ്രായേല് നടത്തിയ ആക്രമണത്തില് നൂറിലധികം ഫലസ്തീനികള് കൊല്ലപ്പെടുകയും നിരവധി പേര്ക്ക് പരിക്കേല്ക്കുകയും ചെയ്തുവെന്ന് ഔദ്യോഗിക ഫലസ്തീൻ വാർത്താ ഏജൻസി അറിയിച്ചു. അതേസമയം ഹമാസ് കമാൻഡ് സെൻ്ററിൽ ആക്രമണം നടത്തിയതായി ഇസ്രായേൽ സൈന്യം വ്യക്തമാക്കി.
“പ്രഭാത നമസ്കാരം നിർവഹിക്കുന്നതിനിടെ കുടിയൊഴിപ്പിക്കപ്പെട്ട ആളുകളെ ലക്ഷ്യമിട്ടായിരുന്നു ഇസ്രായേൽ ആക്രമണം. ഇത് മരണസംഖ്യ വര്ധിക്കാന് കാരണമായി” ഗവണ്മെന്റ് മീഡിയ ഓഫീസ് പ്രസ്താവനയിൽ പറഞ്ഞു.
