റിയാദ്: യുനെസ്കോ ലോക പൈതൃക പട്ടികയിൽ റിയാദ് മേഖലയിൽ സ്ഥിതി ചെയ്യുന്ന അൽ ഫാ ആർക്കിയോളജിക്കൽ ഏരിയയുടെ സാംസ്കാരിക ലാൻഡ്സ്കേപ്പ് രജിസ്റ്റർ ചെയ്തു. ഈ അംഗീകാരം ലഭിക്കുന്ന എട്ടാമത്തെ സൗദി സൈറ്റായി ഇത് മാറി.
റിയാദിൻ്റെ തെക്ക് ഭാഗത്തുള്ള വാദി അദ് ദവാസിറിൽ സ്ഥിതി ചെയ്യുന്ന അൽ ഫാ ആർക്കിയോളജിക്കൽ ഏരിയ, 50 കിലോമീറ്റർ വിസ്തൃതിയിൽ വ്യാപിച്ചുകിടക്കുന്നതാണ്. ചരിത്രാതീത കാലം മുതലുള്ള വൈവിധ്യമാർന്ന പുരാവസ്തു തെളിവുകൾ, വ്യക്തമായ രൂപങ്ങളുള്ള വലിയ ശവകുടീരങ്ങൾ, പുരാതന കാരവൻ നഗരത്തിൽ നിന്നുള്ള സാംസ്കാരികവും വാസ്തുവിദ്യാ ഘടകങ്ങളും, പുരാതന ജലസേചന സംവിധാനങ്ങളുള്ള ഒരു മരുപ്പച്ച, പ്രധാനപ്പെട്ട പാറ കലകളും ലിഖിതങ്ങളും ഈ സൈറ്റിൽ അടങ്ങിയിരിക്കുന്നു.
“യുനെസ്കോയിൽ ലോക പൈതൃക പട്ടികയിൽ അൽ ഫാ ആർക്കിയോളജിക്കൽ ഏരിയയുടെ സാംസ്കാരിക ഭൂപ്രകൃതി രജിസ്റ്റർ ചെയ്തതിലൂടെ വിഷൻ 2030 ൽ സാംസ്കാരിക മേഖല അതിൻ്റെ ലക്ഷ്യം നേടിയെടുത്തു. കിരീടാവകാശിയുടെ ദർശനത്തോടും മാർഗനിർദേശത്തോടും കൂടി ലോക പൈതൃക പട്ടികയിൽ സൗദി സൈറ്റുകൾ രജിസ്റ്റർ ചെയ്തിട്ടുണ്ട്.
ദേശീയ ഐഡൻ്റിറ്റിയുടെയും പൈതൃകത്തിൻ്റെയും പ്രാധാന്യം ഊന്നിപ്പറയുന്ന സൗദി വിഷൻ 2030-നൊപ്പം ആഗോള മാനവ പൈതൃകം സംരക്ഷിക്കുന്നതിൽ സൗദി അറേബ്യയുടെ ആഴത്തിലുള്ള ചരിത്രപരമായ വേരുകളും അതിൻ്റെ മുൻനിര പങ്കും ഈയടുത്തുള്ള രജിസ്ട്രേഷൻ അടിവരയിടുന്നതായി
സാംസ്കാരിക മന്ത്രി ബദർ ബിൻ അബ്ദുല്ല പറഞ്ഞു.
സൽമാൻ രാജാവും കിരീടാവകാശിയും സൗദി പൈതൃകത്തിന് നൽകിയ ഗണ്യമായ പിന്തുണയും ശ്രദ്ധയുമാണ് ഈ നേട്ടം പ്രതിഫലിപ്പിക്കുന്നതെന്ന് ബദർ രാജകുമാരൻ എടുത്തുപറഞ്ഞു.
അൽ-ഫാ ഉൾപ്പെടുത്തിയതോടെ യുനെസ്കോയുടെ ലോക പൈതൃക പട്ടികയിലെ സൗദി സൈറ്റുകളിൽ ഇപ്പോൾ അൽ ഹിജ്ർ ആർക്കിയോളജിക്കൽ സൈറ്റ് (2008), തുറൈഫ് ഡിസ്ട്രിക്റ്റ് ഇൻ ആദ്-ദിരിയ (2010), ഹിസ്റ്റോറിക് ജിദ്ദ (2014), റോക്ക് ആർട്ട് ഇൻ ഹെയിൽ റീജിയൻ (2015), അൽ അഹ്സ ഒയാസിസ് (2018), ഹിമ കൾച്ചറൽ ഏരിയ (2021), ‘ഉറുഖ് ബാനി മആരിദ് സംരക്ഷിത മേഖല (2023) എന്നിവ ഉൾപ്പെടും.
