മക്ക: 1,833,164 തീർഥാടകർ രാജ്യത്തിനകത്തും പുറത്തും നിന്നും ഹജ്ജ് തീർഥാടനത്തിനായി എത്തിയിട്ടുണ്ട്. ഇതിൽ 1,611,310 വിദേശ തീർഥാടകരും 221,854 ആഭ്യന്തര തീർഥാടകരും ഉൾപ്പെടുന്നുവെന്ന് സൗദി പ്രസ് ഏജൻസി പ്രസ്താവനയിൽ അറിയിച്ചു.
വിദേശ, ആഭ്യന്തര പുരുഷ തീർഥാടകരുടെ ആകെ എണ്ണം 958,137 ആയി ഉയർന്നപ്പോൾ സ്ത്രീ തീർഥാടകരുടെ എണ്ണം 875,027 ആയി. ലോകമെമ്പാടുമുള്ള തീർഥാടകരുടെ ശതമാനത്തിൻ്റെ കാര്യത്തിൽ അറബ് രാജ്യങ്ങളിൽ നിന്നുള്ള തീർഥാടകരുടെ നിരക്ക് 22.3 ശതമാനവും അറബ് രാജ്യങ്ങൾ ഒഴികെയുള്ള ഏഷ്യൻ രാജ്യങ്ങളിൽ നിന്നുള്ള തീർഥാടകരുടെ നിരക്ക് 63.3 ശതമാനത്തിലെത്തി.
അറബ് രാജ്യങ്ങൾ ഒഴികെയുള്ള ആഫ്രിക്കൻ രാജ്യങ്ങളിൽ നിന്നുള്ള തീർഥാടകരുടെ നിരക്ക് 11.3 ശതമാനത്തിലും യൂറോപ്യൻ, അമേരിക്കൻ, ഓസ്‌ട്രേലിയൻ, മറ്റ് തരംതിരിക്കാത്ത രാജ്യങ്ങളിൽ നിന്നുള്ള തീർഥാടകരുടെ നിരക്ക് 3.2 ശതമാനത്തിലെത്തിനിൽക്കുന്നു.
1.5 ദശലക്ഷത്തിലധികം തീർഥാടകരിൽ ഭൂരിഭാഗവും വിമാനമാർഗമാണ് എത്തിയത്. സൗദി വിമാനത്താവളങ്ങൾ വഴി ഇറങ്ങിയ വിദേശ തീർഥാടകരുടെ എണ്ണം 1,546,345 ആയി ഉയർന്നപ്പോൾ 60,251 തീർഥാടകർ കര തുറമുഖം വഴിയും എത്തി.
