കൊച്ചി: സംസ്ഥാനത്ത് ഏറെ കോളിളക്കം സൃഷ്ടിച്ച പെരുമ്പാവൂരിലെ നിയമവിദ്യാര്ത്ഥിനിയുടെ കൊലപാതകക്കേസില് വിചാരണക്കോടതി വിധിച്ച വധശിക്ഷയ്ക്കെതിരെ പ്രതി അമിറുള് ഇസ്ലാം നല്കിയ അപ്പീല് ഹൈക്കോടതി തള്ളി. വിചാരണക്കോടതി വിധിച്ച വധശിക്ഷ ശരിവെച്ചുകൊണ്ട് ഹൈക്കോടതി ഡിവിഷന് ബെഞ്ച് ഉത്തരവിട്ടു. ജസ്റ്റിസ് പി. ബി സുരേഷ് കുമാര്, ജസ്റ്റിസ് എസ് മനു എന്നിവരടങ്ങിയ ഡിവിഷന് ബെഞ്ച് ആണ് വിധി പ്രസ്താവിച്ചത്.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
ഇന്ന് ഉച്ചയ്ക്ക് രണ്ടു മണിയോടെയാണ് ഹൈക്കോടതി ഡിവിഷന് ബെഞ്ച് ഇതുസംബന്ധിച്ച നിര്ണായക വിധി പറഞ്ഞത്. കേസില് നിന്നും കുറ്റവിമുക്തനാക്കി വെറുതെവിടണമെന്ന പ്രതിയുടെ ആവശ്യവും ഹൈക്കോടതി തള്ളി.
നിലവിലെ നിയമം അനുസരിച്ച് വിചാരണക്കോടതി വധശിക്ഷ വിധിച്ചാല് അതിന് ഹൈക്കോടതിയുടെ അനുമതി ആവശ്യമാണ്. ഇതനുസരിച്ചാണ് സംസ്ഥാന സര്ക്കാര് വധശിക്ഷയ്ക്ക് അനുമതി തേടി േൈഹക്കാടതിയില് അപേക്ഷ നല്കിയത്.
ഡി.എന്.എ സാംപിളുകള് ഉള്പ്പെടെയുള്ള ശാസ്ത്രീയ തെളിവുകള് പരിശോധിച്ച ശേഷമാണ് വധശിക്ഷ ശരിവച്ചുകൊണ്ടുള്ള ഹൈക്കോടതി ഉത്തരവ്. കോടതി വിധി കേള്ക്കാന് കൊല്ലപ്പെട്ട പെണ്കുട്ടിയുടെ അമ്മയും സഹോദരിയും കോടതിയില് എത്തിയിരുന്നു.
1500 ലേറെ പേജുള്ള കുറ്റപത്രമാണ് കേസില് ഭാഗമായി പൊലിസ് സമര്പ്പിച്ചത്. വിചാരണ ഒന്നര വര്ഷത്തിലധികം നീണ്ടു. ഒടുവില് 2017 ഡിസംബറിലാണ് എറണാകുളം പ്രിന്സിപ്പല് സെഷന് കോടതി വിധി പറയുന്നത്. 2016 ഏപ്രില് 28 നാണ് എറണാകുളം പെരുമ്പാവൂര് സ്വദേശി ജിഷയുടെ മൃതദേഹം വീടിനുള്ളില് കണ്ടെത്തിയത്. പിന്നീട് ഒരു മാസത്തിലേറെ നീണ്ട അന്വേഷണത്തിനൊടുവില് പ്രതി അസം സ്വദേശിയായ അമീറുല് ഇസ്ലാമിനെ പൊലിസ് പിടികൂടുകയായിരുന്നു.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
