റിയാദ്: വേള്ഡ് എക്സ്പോ 2030
സഊദിയിൽ. മത്സര രംഗത്തുണ്ടായിരുന്ന ഇറ്റലി, സൗത്ത് കൊറിയ എന്നീ രാജ്യങ്ങളോട് പൊരുതിയാണ് സഊദി അറേബ്യ 2030 ലെ വേള്ഡ് എക്സ്പോക്ക് ആതിഥേയത്വം വഹിക്കാനുള്ള അവസരം നേടിയെടുത്തത്. 130 രാജ്യങ്ങളാണ് സഊദിയെ പിന്തുണച്ചത്. 2030 ഒക്ടോബർ 1 മുതൽ 2031 മാർച്ച് 31 വരെ റിയാദിൽ വെച്ച് എക്സ്പോ നടത്താനാണ് സഊദിയുടെ തീരുമാനം.
വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
2030 ലോക മേളക്ക് റിയാദ് മുമ്പേ ഒരുക്കങ്ങള് തുടങ്ങിയിരുന്നു.
മൂന്നു രാജ്യങ്ങളും ബ്യൂറോ ഇന്റര്നാഷണല് ഡെസ് എക്സ്പോസിഷനിലെ 182 അംഗരാജ്യങ്ങളില് നിന്ന് വോട്ട് നേടുന്നതിന് ഏതാനും മാസങ്ങളായി കഠിനപ്രയത്നത്തിലായിരുന്നു.
ദക്ഷിണ കൊറിയയുടെ തെക്കുകിഴക്കന് നഗരമായ ബുസാന്, ഇറ്റലിയിലെ റോം എന്നിവയ്ക്കെതിരെയാണ് സഊദി അറേബ്യയിലെ റിയാദ് മത്സരിച്ചത്. മനുഷ്യാവകാശങ്ങള്ക്കും ജനാധിപത്യത്തിനും വലിയ ഊന്നല് നല്കിയാണ് റോം മത്സരിച്ചത്.
ജനറല് അസംബ്ലി മീറ്റിംഗ് നടക്കുന്നതിന് മുന്നോടിയായി സഊദി അറേബ്യ ഇന്ഫര്മേഷന് മന്ത്രാലയം പാരീസില് മീഡിയ ഓയാസിസ് എന്ന പേരില് എക്സിബിഷന് സംഘടിപ്പിച്ചുവരികയായിരുന്നു. കഴിഞ്ഞ ഞായറാഴ്ച തുടങ്ങി ഇന്ന് (ചൊവ്വ) ആണ് എക്സിബിഷന് സമാപിച്ചത്. സെപ്തംബര് 9, 10 തിയ്യതികളില് ഇന്ത്യയില് ജി 20 ഉച്ചകോടിയോടനുബന്ധിച്ച് മീഡിയ ഓയാസിസ് സംഘടിപ്പിച്ച ശേഷമായിരുന്നു പാരീസില് പോയത്.
റിയാദിലെ വനവത്കരണം, കിംഗ് സല്മാന് പാര്ക്ക്, റിയാദ് ആര്ട്ട്, കിംഗ് സല്മാന് വിമാനത്താവളം അടക്കമുള്ള പ്രധാന ദേശീയ പദ്ധതികളും സംരംഭങ്ങളും പ്രദര്ശിപ്പിച്ച് രാജ്യാന്തര മാധ്യമങ്ങളുടെ സാന്നിധ്യത്തില് രാജ്യം കൈവരിച്ചുവരുന്ന പരിവര്ത്തനം ഉയര്ത്തിക്കാട്ടുകയായിരുന്നു മീഡിയ ഓയാസിസ്. അതോടൊപ്പം ജനറല് അസംബ്ലി യോഗത്തിനെത്തുന്ന പ്രാദേശിക, അന്തര്ദേശീയ മാധ്യമസ്ഥാപനങ്ങള്ക്കും മാധ്യമ പ്രവര്ത്തകര്ക്കും ആധുനികവും നൂതനവുമായ മാധ്യമ സേവനങ്ങള് നല്കാനും മീഡിയ ഓയാസീസ് വേദിയായി.
വേൾഡ് എക്സ്പോയുടെ ചരിത്രത്തിൽ തന്നെ അഭൂതപൂർവമായ പതിപ്പായിരിക്കും റിയാദിൽ ഒരുക്കുകയെന്ന് കിരീടാവകാശി മുഹമ്മദ് ബിൻ സൽമാൻ പറഞ്ഞു. മാനവികതയുടെ മികച്ച ഭാവിക്കായി വേൾഡ് എക്സോപോയുടെ ചരിത്രത്തിലെ തന്നെ അഭൂതപൂർവമായ പതിപ്പിനായിരിക്കും സഊദി ആതിഥേയത്വം വഹിക്കുകയെന്ന് അദ്ദേഹം പറഞ്ഞു.
2030 ലെ വേൾഡ് എക്സ്പോ റിയാദിൽ നടത്തുന്നതിനുള്ള സഊദിയുടെ ഫയൽ കഴിഞ്ഞ ജൂണിൽ ഔദ്യോഗികമായി സമർപ്പിച്ചിരുന്നു. കൂടാതെ 7.8 ബില്യണ് ഡോളർ ഇതിനായി അനുവദിക്കുകയും ചെയ്തു. സഊദിയുടെ അപേക്ഷ പരിഗണിച്ച് ഇക്കഴിഞ്ഞ മാർച്ചിൽ പ്രത്യേക കമ്മറ്റി സഊദിയിലെത്തി പരിശോധനയും പൂർത്തിയാക്കിയിരുന്നു. പാരീസിൽ നടന്ന ഔദ്യോഗിക സ്വീകരണത്തിൽ കിരീടാവകാശി മുഹമ്മദ് ബിൻ സൽമാൻ പങ്കെടുക്കുകയും ചെയ്തിരുന്നു.
വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
