ജറുസലേം: വിശുദ്ധ മസ്ജിദുൽ അഖ്സയിൽ ഇസ്റാഈൽ സൈന്യത്തിന്റെ നരനായാട്ട്. പള്ളിയെ ഇസ്റാഈൽ സൈന്യം ആക്രമിക്കുകയും പള്ളിയിൽ ഇഅ്തികാഫ് ഇരിക്കുന്നവരെ ആക്രമിക്കുകയും ചെയ്തതിനെത്തുടർന്ന് അൽ അഖ്സ മസ്ജിദിൽ പൊട്ടിപ്പുറപ്പെട്ട ഏറ്റുമുട്ടലിനോട് പ്രദേശത്ത് സംഘർഷം രൂക്ഷമായി. സംഭവത്തിന് പിന്നാലെ ഫലസ്തീനികൾ തെക്കൻ ഇസ്റാഈലിലെ പട്ടണങ്ങളെ ലക്ഷ്യമാക്കി 9 റോക്കറ്റുകൾ തൊടുത്തുവിട്ടു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഗാസ മുനമ്പിൽ നിന്ന് വിക്ഷേപിച്ച മിസൈലുകളെ വ്യോമ പ്രതിരോധ സംവിധാനം തടഞ്ഞുവെന്ന് ഇസ്റാഈൽ സൈന്യം സ്ഥിരീകരിച്ചു. എന്നാൽ, ചില മിസൈലുകൾ ഇസ്റാഈൽ പ്രദേശങ്ങളിൽ പതിച്ചുവെന്നും അത് ഒഴിഞ്ഞ പ്രദേശങ്ങളിൽ ആണെന്നും റിപ്പോർട്ടുകൾ സൂചിപ്പിക്കുന്നു.
അൽ അഖ്സ മസ്ജിദിന്റെ മതിലുകൾക്ക് പുറത്തുള്ള ഏറ്റുമുട്ടലിനിടെ 7 പേർക്ക് പരിക്കേറ്റതായി ഫലസ്തീനിയൻ റെഡ് ക്രസന്റ് അറിയിച്ചു. അധിനിവേശ സേന ആംബുലൻസ് ജീവനക്കാരെയും അൽഅഖ്സ പള്ളിയിൽ പ്രവേശിക്കുന്നത് തടയുകയും അവരെ ആക്രമിക്കുകയും ചെയ്തു. ശക്തമായ വെടിവെപ്പിന്റെ ദൃശ്യങ്ങൾ പുറത്ത് വന്നിട്ടുണ്ട്. പള്ളിക്കകത്ത് നിന്ന് വിശ്വാസികൾ എടുത്ത വീഡിയോ ദൃശ്യങ്ങളാണ് പുറത്ത് വന്നത്.
അതേ സമയം, ഫലസ്തീൻ പ്രസിഡന്റ് മഹ്മൂദ് അബ്ബാസിന്റെ വക്താവ് നബീൽ അബു റുദീനെ, പുണ്യസ്ഥലങ്ങളിൽ ചുവന്ന വരകൾ മുറിച്ചുകടക്കുന്നതിനെതിരായ അധിനിവേശത്തിന് മുന്നറിയിപ്പ് നൽകി. ഇത് വലിയ സ്ഫോടനത്തിലേക്ക് നയിക്കുമെന്ന് അദ്ദേഹം ഇസ്റാഈലിന് നൽകിയ മുന്നറിയിപ്പിൽ വ്യക്തമാക്കി. പള്ളിക്കകത്ത് നിന്ന് വിശ്വാസികൾ എടുത്ത വെടിവെപ്പ് വീഡിയോ ദൃശ്യങ്ങൾ👇
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
