ജിദ്ദ: ജിദ്ദയിൽ വെള്ളിയാഴ്ച രാവിലെ 11 മണി വരെ മഴയ്ക്ക് സാധ്യതയുള്ളതായി കാലാവസ്ഥാ മുന്നറിയിപ്പ്. നിലവിലെ കാലാവസ്ഥ കാരണം ജിദ്ദയിലെ കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിലെ ചില വിമാനങ്ങൾ വൈകി.
പുതിയ വിമാനം പുറപ്പെടുന്ന സമയം ലഭിക്കുന്നതിന് എയർലൈനുകളുമായി ആശയവിനിമയം നടത്താൻ വിമാനത്താവളം യാത്രക്കാരോട് ആവശ്യപ്പെട്ടു.
ജിദ്ദ വരും മണിക്കൂറുകളിൽ ഇടിമിന്നലിനും കനത്ത മഴയ്ക്കും സാക്ഷ്യം വഹിക്കുമെന്നും ഉപരിതല കാറ്റിലും ആലിപ്പഴ വർഷത്തിലും ഉയർന്ന തിരമാലകൾക്കും പുറമേ ദൃശ്യപരത കുറവായിരിക്കുമെന്നും കേന്ദ്രം അറിയിച്ചു.
അത്യാവശ്യമല്ലാതെ വീടുകളിൽ നിന്നും ആരും പുറത്തിറങ്ങരുതെന്ന്
മക്ക എമിറേറ്റിലെ ക്രൈസിസ് ആൻഡ് ഡിസാസ്റ്റർ മാനേജ്മെന്റ് സെന്റർ, എൻസിഎമ്മിന്റെ മുന്നറിയിപ്പിൽ പറയുന്നു.
മഴവെള്ളം കെട്ടിക്കിടക്കുന്ന സ്ഥലങ്ങളിൽ ആളുകൾ ജാഗ്രത പാലിക്കണമെന്നും അത്തരം സ്ഥലങ്ങളിലേക്ക് ആരും സമീപിക്കരുതെന്നും കേന്ദ്രം മുന്നറിയിപ്പ് നൽകി.
ജിദ്ദ മുനിസിപ്പാലിറ്റി മഴക്കെടുതിയിൽ നിന്നുള്ള ഏത് അടിയന്തര സാഹചര്യങ്ങളെയും നേരിടാൻ ഉപകരണങ്ങളും മറ്റും സജ്ജീകരിച്ചിട്ടുണ്ട്.
