റിയാദ്: ഖത്തർ ലോകകപ്പിൽ കരുത്തരായ അർജന്റീനയ്ക്കെതിരെ ആയിരുന്നു സഊദി അറേബ്യയുടെ ആദ്യ മത്സരം. തകർപ്പൻ പ്രകടനത്തിനിടെ ലയണൽ മെസ്സിയുടെ ടീമിനെ 2-1 ന് സഊദി അട്ടിമറിച്ചു. അർജന്റീനയ്ക്കെതിരായ അവിസ്മരണീയ വിജയത്തിന് ശേഷം സഊദിയിൽ വൻ ആഘോഷമാണ്. ഈ ചരിത്ര വിജയത്തിന് പിന്നാലെ സൗദി അറേബ്യ ബുധനാഴ്ച പൊതു അവധി പ്രഖ്യാപിച്ചു. കൂടാതെ എല്ലാ കളിക്കാർക്കും റോൾസ് റോയ്സ് കാറുകൾ സമ്മാനിക്കുമെന്ന് മാധ്യമ റിപ്പോർട്ടുകളിൽ അവകാശപ്പെട്ടു. ഇപ്പോഴിതാ അവകാശവാദങ്ങൾ തെറ്റാണെന്ന് ടീമിന്റെ മാനേജർ തറപ്പിച്ചുപറയുന്നു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
‘അവകാശവാദങ്ങൾ തെറ്റാണ്, പ്രചരിക്കുന്നതിൽ സത്യമില്ല. ഞങ്ങൾ ഒരു മത്സരം മാത്രമേ ജയിച്ചിട്ടുള്ളൂ, ഇനിയും പ്രധാനപ്പെട്ട ഗെയിമുകൾ അവശേഷിക്കുന്നു. ഭാഗ്യമുണ്ടെങ്കിൽ കൂടുതൽ മത്സരം കളിക്കാൻ കഴിയും. അർജന്റീന മത്സരത്തിന് മുമ്പുള്ള പത്രസമ്മേളനം നിങ്ങൾ ഓർക്കുന്നുണ്ടോ എന്ന് എനിക്കറിയില്ല. അനുഭവപരിചയത്തിന്റെ കാര്യത്തിൽ ഈ ഗ്രൂപ്പിലെ ഏറ്റവും താഴ്ന്ന റാങ്കിലുള്ള ടീമാണ് ഞങ്ങൾ. നമ്മൾ കളിക്കേണ്ട പ്രധാനപ്പെട്ട മൂന്ന് ഗെയിമുകളിൽ ഒന്നാണിത്. ഈ ഗ്രൂപ്പ് ഘട്ടത്തിൽ ഒന്നാം നമ്പർ അല്ലെങ്കിൽ രണ്ടാം നമ്പറിൽ ഫിനിഷ് ചെയ്യുക മാത്രമാണ് നമ്മുടെ ലക്ഷ്യം.’ – റെനാർഡ് പറഞ്ഞു.
വാര്ത്ത നിഷേധിച്ച് സ്ട്രൈക്കര് അല് ഷെഹ്രിയും രംഗത്ത് വന്നിരുന്നു. പോളണ്ടിനെതിരായ മത്സരത്തിന് മുമ്പ് നടന്ന വാര്ത്താ സമ്മേളനത്തിനിടേയായിരുന്നു ഇരുവരുടേയും പ്രതികരണം. ഖത്തർ ലോകകപ്പ് മത്സരത്തില് അര്ജന്റീനെക്കെതിരെ തകർപ്പൻ വിജയം നേടിയ സഊദി ഫുട്ബോള് ടീമിലെ എല്ലാ കളിക്കാര്ക്കും റോള്സ് റോയ്സ് ഫാന്റം കാറുകള് സമ്മാനമായി ലഭിക്കുമെന്ന വാർത്തകൾ ശരിയല്ലെന്ന് സഊദി താരം സ്വാലിഹ് അൽ ശഹ്രി പറഞ്ഞു.
രാജ്യത്തിനു വേണ്ടിയാണ് തങ്ങള് കളിക്കുന്നതെന്നും സ്വാലിഹ് അല്ശഹ്രി പറഞ്ഞു. അര്ജന്റീനക്കെതിരായ മത്സരത്തില് അട്ടിമറി വിജയം നേടിയ സൗദി ടീമിലെ മുഴുവന് കളിക്കാര്ക്കും റോള്സ് റോയ്സ് ഫാന്റം കാറുകള് സമ്മാനിക്കുമെന്ന് കിരീടാവകാശിയും പ്രധാനമന്ത്രിയുമായ മുഹമ്മദ് ബിന് സല്മാന് രാജകുമാരന് പ്രഖ്യാപിച്ചതായി സാമൂഹികമാധ്യമങ്ങളില് വ്യാപകമായി പ്രചരിക്കുന്നുണ്ട്. ഇതുമായി ബന്ധപ്പെട്ട് ബ്രിട്ടീഷ് മാധ്യമപ്രവര്ത്തകന് ഉന്നയിച്ച ചോദ്യത്തിന് മറുപടിയായാണ് അദ്ദേഹത്തിന്റെ മറുപടി.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
