റിയാദ്: റിയാദ് സീസൺ 2022 ന്റെ ഭാഗമായി, ലോകത്തിലെ ഏറ്റവും വലിയ സാങ്കേതിക ഇവന്റായ ബ്ലാക്ക് ഹാറ്റ് മിഡിൽ ഈസ്റ്റ് & ആഫ്രിക്കൻ ഷോ ആദ്യ ദിനത്തിൽ 75ലധികം പരിപാടികൾക്ക് സാക്ഷ്യം വഹിച്ചു.
വർക്ക്ഷോപ്പുകൾ, സെഷനുകൾ തുടങ്ങിയ വ്യത്യസ്തമായ പരിപാടികളിൽ 10,000-ത്തിലധികം സന്ദർശകരെത്തി. സൈബർ സുരക്ഷാ മേഖലയിൽ വിദഗ്ധരായ നിരവധി പ്രമുഖ സ്പീക്കർമാരുടെയും കമ്പനികളുടെയും പങ്കാളിത്തവും ഇവന്റിലുണ്ട്.
ജനറൽ എന്റർടൈൻമെന്റ് അതോറിറ്റിയുടെ (ജിഇഎ) പങ്കാളിത്തത്തോടെ സൗദി ഫെഡറേഷൻ ഫോർ സൈബർ സെക്യൂരിറ്റി, പ്രോഗ്രാമിംഗ് ആൻഡ് ഡ്രോണുകൾ (SAFCSP) ആണ് ബ്ലാക്ക് ഹാറ്റ് ഇവന്റ് സംഘടിപ്പിക്കുന്നത്.
സൈബർ സുരക്ഷാ മേഖലയിലെ ഏറ്റവും പുതിയ സംഭവവികാസങ്ങൾ, സൈബർ കുറ്റകൃത്യങ്ങൾ, ഐഡന്റിറ്റി മോഷണം, വഞ്ചന ചെറുക്കാനുള്ള വഴികൾ, സൈബർ കുറ്റകൃത്യങ്ങളിൽ നിന്ന് രക്ഷപ്പെടാനുള്ള വഴികൾ, വിവര സംരക്ഷണം, സൈബർ അപകടസാധ്യത വിലയിരുത്തൽ എന്നിവയെ കുറിച്ച് വിവിധ സെഷനുകളിൽ ചർച്ച ചെയ്തു.
മെഷീൻ ലേണിംഗ് ഉപയോഗിച്ച് ക്രെഡിറ്റ് കാർഡ് തട്ടിപ്പ് കണ്ടെത്തുന്നതിനുള്ള മെച്ചപ്പെട്ട മാതൃകയായ ഡ്രോണുകളുടെ ഹാക്കിംഗ്, ഫോറൻസിക്, ബയോഹാക്കിംഗ് എന്നിവയിലെ ആശ്ചര്യപ്പെടുത്തുന്ന ശിൽപശാലകളും അരങ്ങേറി.
