ജിദ്ദ: ജിദ്ദ ഇസ്ലാമിക് തുറമുഖം വഴി 3.2 ദശലക്ഷത്തിലധികം ക്യാപ്റ്റഗൺ ഗുളികകൾ കടത്താനുള്ള ശ്രമം തടഞ്ഞതായി സകാത്ത്, ടാക്സ്, കസ്റ്റംസ് അതോറിറ്റി (സാറ്റ്ക) അറിയിച്ചു. ട്രക്കിന്റെ ഒരു അറയിൽ ഒളിപ്പിച്ച നിലയിലായിരുന്നു ക്യാപ്റ്റഗൺ ഗുളികകൾ കണ്ടെത്തിയത്.
കസ്റ്റംസ് നടപടിക്രമങ്ങൾക്ക് വിധേയമാക്കുകയും തുറമുഖത്തെ സുരക്ഷാ വിദ്യകളിലൂടെയും തത്സമയ മാർഗങ്ങളിലൂടെയും പരിശോധിച്ച ശേഷം ട്രക്കിന്റെ അറയിൽ കണ്ടെത്തുകയായിരുന്നു വെന്നും അതോറിറ്റി പറഞ്ഞു.
എല്ലാ കയറ്റുമതിയിലും ഇറക്കുമതിയിലും കസ്റ്റംസ് നിയന്ത്രണം പിടിച്ചെടുക്കുന്നതും കർശനമാക്കുന്നതും അതിന്റെ എല്ലാ രൂപത്തിലുള്ള കള്ളക്കടത്തിനെ ചെറുക്കുന്നതും തുടരുകയാണെന്നും അതോറിറ്റി ഊന്നിപ്പറഞ്ഞു.
