മക്ക: വിശുദ്ധ മക്കയിലെ ഹറം പള്ളിയുടെ മുറ്റത്ത് വീഡിയോ ക്ലിപ്പ് എടുക്കുകയും പ്രചരിപ്പിക്കുകയും ചെയ്ത വിദേശി അറസ്റ്റിൽ. ഹറം സുരക്ഷയ്ക്കായുള്ള പ്രത്യേക സേനയുടെ സുരക്ഷാ ഉദ്യോഗസ്ഥർ ആണ് അറബ് വംശജൻ ആയ വിദേശിയെ അറസ്റ്റ് ചെയ്തത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഉംറ നിർവ്വഹണവുമായി ബന്ധപ്പെട്ട് പുറപ്പെടുവിച്ച നിർദ്ദേശങ്ങളും നിർദ്ദേശങ്ങളും ലംഘിക്കുന്ന തരത്തിൽ വാചകങ്ങൾ എഴുതിയതും ശ്രദ്ധയിൽ പെട്ടതോടെയാണ് ഇദ്ദേഹത്തെ അറസ്റ്റ് ചെയ്തത്. തികച്ചും ഇസ്ലാമിക വിരുദ്ധമായ വാചകങ്ങൾ ആയിരുന്നു ഇദ്ദേഹം ഉയർത്തിപ്പിടിച്ചിരുന്നത്.
മക്കയിലെ ഗ്രാൻഡ് മോസ്കിന്റെ സുരക്ഷയ്ക്കായുള്ള പ്രത്യേക സേനയ്ക്ക് അറബ് വംശജനായ വിദേശിയെ വിശുദ്ധ മസ്ജിദിൽ പ്രവേശിക്കുന്നതിന് മുമ്പ് അറസ്റ്റ് ചെയ്യാൻ കഴിഞ്ഞുവെന്ന് അധികൃതരെ ഉദ്ധരിച്ച് പ്രാദേശിക പത്രം റിപ്പോർട്ട് ചെയ്തു. ഇദ്ദേഹത്തെ ബന്ധപ്പെട്ട വകുപ്പിലേക്ക് തുടർ നടപടികൾക്കായി കൈമാറുന്നതിനുള്ള നടപടികളും അധികൃതർ സ്വീകരിച്ചു.
