മസ്കത്ത്: വന് മദ്യശേഖരവുമായി ഒമാനില് പ്രവാസി പൊലീസിന്റെ പിടിയിലായി. അല് ദാഖിലിയ ഗവര്ണറേറ്റിലായിരുന്നു സംഭവം. അനധികൃത മദ്യക്കടത്തിന്റെ ഭാഗമായാണ് ഇയാള് മദ്യം സൂക്ഷിച്ചിരുന്നതെന്ന് റോയല് ഒമാന് പൊലീസ് പുറത്തിറക്കിയ പ്രസ്താവനയില് പറയുന്നു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
“കള്ളക്കടത്ത് നടത്തുകയെന്ന ലക്ഷ്യത്തോടെ സൂക്ഷിച്ചിരുന്ന വലിയ മദ്യ ശേഖരവുമായി ഏഷ്യക്കാരനായ ഒരാളെ അല് ദാഖിലിയ ഗവര്ണറേറ്റ് പൊലീസ് കമാന്ഡ് അറസ്റ്റ് ചെയ്തു” എന്നാണ് റോയല് ഒമാന് പൊലീസ് അറിയിച്ചിരിക്കുന്നത്.
പിടിയിലായ പ്രവാസി ഏത് രാജ്യക്കാരനാണെന്നത് ഉള്പ്പെടെ മറ്റ് വിശദ വിവരങ്ങളൊന്നും അധികൃതര് പുറത്തുവിട്ടിട്ടില്ല. പിടിയിലായ ആളിനെതിരെ നിയമനടപടികള് സ്വീകരിച്ചുവരികയാണെന്നും അധികൃതര് അറിയിച്ചു.
