റിയാദ്: രാജ്യത്തെ സ്വകാര്യ, അന്തർദേശീയ വിദ്യാഭ്യാസ മേഖലയുടെ നിലവിലെ സാഹചര്യം, സ്കൂൾ ഫീസിന്റെ മൂല്യം, പാഠ്യപദ്ധതിയുടെ ഗുണനിലവാരം, സ്വീകരിക്കേണ്ട ഏറ്റവും പ്രധാനപ്പെട്ട ശുപാർശകൾ എന്നിവ കൈകാര്യം ചെയ്യുന്ന ഒരു പഠനം സ്വകാര്യ പരിശീലനത്തിനും വിദ്യാഭ്യാസത്തിനുമുള്ള ദേശീയ സമിതി വെളിപ്പെടുത്തി.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
പ്രധാന പഠന റിസൾട്ടുകൾ ഇപ്രകാരം 👇
സ്കൂൾ ഫീസ്
സ്കൂൾ ഫീസ് വ്യത്യസ്തമാണെന്നും അവയിൽ ചിലത് 10,000 റിയാലിൽ താഴെയാണെന്നും പഠനത്തിൽ കണ്ടെത്തി. മറ്റ് സ്കൂളുകളിൽ അവയുടെ മൂല്യം 75,000 റിയാൽ കവിഞ്ഞു. കൂടാതെ സ്കൂൾ ഫീസ് മൂല്യം 10,000 മുതൽ 20,000 റിയാൽ വരെയുള്ള സ്കൂളുകളുടെ ശതമാനം 40 ശതമാനവും 20,00 മുതൽ 30,000 റിയാൽ വരെയുള്ള സ്കൂളുകളുടെ ശതമാനം ഏകദേശം 27 ശതമാനവും ഉയർന്നു. അതേസമയം ട്യൂഷൻ ഫീസ് 40,000 റിയാലും അതിനുമുകളിലും കൂടുതലുള്ള സ്കൂളുകളുടെ ശതമാനം 10 ശതമാനത്തിൽ താഴെയായി കുറഞ്ഞുവെന്നും പഠനത്തിൽ വ്യക്തമാക്കുന്നു.
പാഠ്യപദ്ധതിയിൽ സഊദി പാഠ്യപദ്ധതി മുന്നിൽ
ഈ സ്കൂളുകളിൽ പഠിപ്പിക്കുന്ന സഊദി പാഠ്യപദ്ധതി 63 ശതമാനം ആണ്. അതേസമയം അമേരിക്കൻ, ബ്രിട്ടീഷ് പാഠ്യപദ്ധതികളുടെ ശതമാനം യഥാക്രമം 33 ശതമാനവും, 17 ശതമാനവും ആയി ഉയർന്നു. സഊദി പാഠ്യപദ്ധതി പിന്തുടരുന്ന സ്വകാര്യ സ്കൂളുകളുടെ ശതമാനം 53 ശതമാനം ആയിട്ടുണ്ട്.
സ്കൂളുകളുടെ എണ്ണം കുത്തനെ ഉയർന്നു
728 ഇന്റർനാഷണൽ സ്കൂളുകളും 1,959 സ്വകാര്യ സ്കൂളുകളും ഉൾപ്പെടെ 2017 അധ്യയന വർഷത്തിലെ 2,521-ൽ നിന്ന് 2,687-ൽ പ്രൈവറ്റ്, ഇന്റർനാഷണൽ സ്കൂളുകളുടെ എണ്ണം വർധിച്ചുവെന്നും രാജ്യത്തെ എല്ലാത്തരം സ്കൂളുകളിലെയും വിദ്യാർത്ഥികളുടെ എണ്ണം 2017 ൽ 5.2 ദശലക്ഷത്തിൽ നിന്ന് വർധിച്ചുവെന്നും റിപ്പോർട്ടിൽ പറയുന്നു. ഇന്റർനാഷണൽ സ്കൂളുകളിലെ 267,000 വിദ്യാർത്ഥികളും സ്വകാര്യ സ്കൂളുകളിലെ 687,000 വിദ്യാർത്ഥികളും സർക്കാർ സ്കൂളുകളിലെ 5 ദശലക്ഷത്തിലധികം വിദ്യാർത്ഥികളും ഉൾപ്പെടെ 2020-ൽ 6 ദശലക്ഷത്തിലധികം വിദ്യാർത്ഥിക ആണ് രാജ്യത്തെ വിവിധ വിദ്യാലയങ്ങളിൽ ഉള്ളത്.
വിദ്യാലങ്ങളിലെ സഊദിവത്കരണം വെല്ലുവിളികൾ
സ്വകാര്യ സ്കൂളുകൾ നേരിടുന്ന ഏറ്റവും പ്രധാനപ്പെട്ട വെല്ലുവിളി സഊദിവൽക്കരണമാണെന്ന് പഠനം വ്യക്തമാക്കുന്നു. ചില സ്കൂൾ തലങ്ങളിലേക്ക് യോഗ്യതയുള്ള, ലൈസൻസുള്ള സഊദി അധ്യാപകരെ നൽകുന്നതിൽ ബുദ്ധിമുട്ടുണ്ട്, പ്രത്യേകിച്ച് സെക്കൻഡറി ഘട്ടത്തിൽ. കിന്റർഗാർട്ടൻ ഘട്ടത്തിൽ അത് എളുപ്പമാണ്. സംഗീതം, ഇംഗ്ലീഷ് ഒഴികെയുള്ള വിദേശ ഭാഷകൾ, ഫിസിക്കൽ എഡ്യൂക്കേഷൻ, കലാ വിദ്യാഭ്യാസം ഉൾപ്പെടെ ഏറ്റവും പ്രമുഖമായ പാഠ്യപദ്ധതികളിൽ പഠിപ്പിക്കാൻ അർഹരായവരെ ലഭ്യതക്കുറവ് പ്രധാന പ്രശ്നമാണ്.
വിദ്യാഭ്യാസ ഡിപ്ലോമ 5 വർഷത്തേക്ക് നിർത്തിവച്ചത് ഈ മേഖലയ്ക്ക് യോഗ്യതയുള്ളവരെ ലഭ്യതയെ പരിമിതപ്പെടുത്തിയിട്ടുണ്ട്. അതിനാൽ സ്കൂളുകൾക്ക് സേവനം നൽകുന്ന വിദ്യാഭ്യാസ ഡിപ്ലോമയുടെ പുനരാരംഭവും പഠനം നിർദ്ദേശിച്ചു.
നിർദേശങ്ങൾ
പബ്ലിക് സ്കൂളിൽ നിന്ന് വിദ്യാർത്ഥികൾ കൊഴിഞ്ഞുപോകുന്നത് തടയാൻ സ്കൂൾ ഫീസ് കുറയ്ക്കുക, സ്കൂളുകളിൽ തുടരാൻ അവരെ പ്രോത്സാഹിപ്പിക്കുന്നതിനും പാഠ്യപദ്ധതി പഠിപ്പിക്കുന്നതിൽ അവരുടെ പ്രകടനം മെച്ചപ്പെടുത്തുന്നതിനും അധ്യാപകരുടെ ശമ്പളം വർദ്ധിപ്പിക്കുക എന്നിവയും പഠനത്തിൽ പങ്കെടുത്തവർ ആവശ്യപ്പെട്ടു.
