റിയാദ്: സഊദിയില് ബലദിയ (മുനിസിപ്പാലിറ്റി) ലോറിയില് നിന്ന് വീണ് പരിക്കേറ്റ് ചികിത്സയിലായിരുന്ന തിരുവനന്തപുരം സ്വദേശി നിര്യാതനായി.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
റിയാദ് പ്രവിശ്യയിലെ ലൈലാ അഫ്ലാജില് ജോലി ചെയ്യുന്ന തിരുവനന്തപുരം വിഴിഞ്ഞം സ്വദേശി മുഹമ്മദ് ഇസ്മായില് (56) ആണ് ശുമൈസി ആശുപത്രിയില് ചികിത്സയിലിരിക്കെ മരിച്ചത്. രണ്ട് ദിവസം മുമ്പ് ഡ്യൂട്ടിക്കിടെയായിരുന്നു അപകടം.
ഭാര്യ നുസൈബ. മക്കള്: റിയാദ് ഖാന്, നിയാസ് ഖാന്, നിസാന, നിസാമ. മയ്യിത്ത് റിയാദില് ഖബറടക്കാന് ബന്ധുവായ സവാദിനെ സഹായിക്കുന്നതിന് റിയാദ് കെഎംസിസി വെല്ഫയര് വിംഗ് ചെയര്മാന് സിദ്ദീഖ് തുവ്വൂര്, ശിഹാബ് പുത്തേഴത്ത്, ഉമര് അമാനത്ത് എന്നിവര് രംഗത്തുണ്ട്.
