വാഷിംഗ്ടൺ: യെമനിൽ നിലവിൽ വരുന്ന വെടിനിർത്തൽ രണ്ട് മാസത്തേക്ക് നീട്ടിയതിൽ സഊദി അറേബ്യയുടെ പങ്കിനെ അമേരിക്ക അഭിനന്ദിച്ചു.
രണ്ട് വിശുദ്ധ മസ്ജിദുകളുടെ സംരക്ഷകനായ സൽമാൻ രാജാവിന്റെയും കിരീടാവകാശിയുടെയും ധീരമായ നേതൃത്വം ഉദ്ധരിച്ച് മേഖലയിലുടനീളമുള്ള സഹകരണ നയതന്ത്രമില്ലാതെ ഈ ഉടമ്പടി സാധ്യമാകില്ലായിരുന്നുവെന്ന് വൈറ്റ് ഹൗസ് പ്രസ് സെക്രട്ടറി കരീൻ ജീൻ-പിയറി വ്യാഴാഴ്ച തന്റെ ദൈനംദിന പത്രസമ്മേളനത്തിൽ പറഞ്ഞു.
വെടിനിർത്തൽ ഏകീകരിക്കാൻ മുഹമ്മദ് ബിൻ സൽമാൻ സഹായിച്ചു.
യുദ്ധവിരാമം രണ്ട് മാസത്തേക്ക് കൂടി നീട്ടാനുള്ള പ്രഖ്യാപനത്തെ ഞങ്ങൾ സ്വാഗതം ചെയ്യുന്നു. ഇന്ന് നീട്ടിയിരിക്കുന്ന ഈ ഉടമ്പടി സ്ഥിരമായ ഒരു സന്ധിയിലേക്ക് മാറ്റേണ്ടത് പ്രധാനമാണ്.
മേഖലയിൽ സാധ്യമാകുന്നിടത്തെല്ലാം പിരിമുറുക്കം കുറയ്ക്കുന്നതിന് പ്രാദേശിക നയതന്ത്രത്തിന് യുഎസ് പിന്തുണ നൽകുന്നത് തുടരുമെന്നും മിഡിൽ ഈസ്റ്റിലെ അമേരിക്കയുടെ സുഹൃത്തുക്കൾക്കും പങ്കാളികൾക്കുമുള്ള ഭീഷണികൾ തടയുന്നതിൽ തീവ്രമായി ശ്രദ്ധ കേന്ദ്രീകരിക്കുമെന്നും അവർ പറഞ്ഞു.
യെമനിലെ വെടിനിർത്തൽ രണ്ട് മാസത്തേക്ക് നീട്ടിയതായി യെമനിലെ യുഎൻ പ്രത്യേക പ്രതിനിധി ഹാൻസ് ഗ്രണ്ട്ബെർഗിന്റെ പ്രഖ്യാപനത്തെ യൂറോപ്യൻ യൂണിയൻ വെള്ളിയാഴ്ച സ്വാഗതം ചെയ്തിരുന്നു.
യെമനിലെ എല്ലാ കക്ഷികളുമായും യൂറോപ്യൻ യൂണിയൻ പ്രവർത്തിക്കുന്നത് തുടരുമെന്നും യെമനിലെ പ്രതിസന്ധിക്ക് രാഷ്ട്രീയ പരിഹാരത്തിൽ എത്തുന്നതിന് യുഎൻ പ്രത്യേക പ്രതിനിധി ഗ്രണ്ട്ബെർഗിന് പൂർണ പിന്തുണ നൽകുമെന്നും അദ്ദേഹം
