റിയാദ്: സഊദി അറേബ്യയിൽ സ്‌ഫോടക വസ്തുക്കളും പടക്കങ്ങളും കടത്തുകയോ നിർമ്മിക്കുകയോ ചെയ്യുന്നത് വൻ കുറ്റകൃത്യമായി കണക്കാക്കുമെന്ന് സഊദി അറേബ്യയിലെ പബ്ലിക് പ്രോസിക്യൂഷൻ മുന്നറിയിപ്പ് നൽകി.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
സ്‌ഫോടകവസ്തുക്കൾ കടത്തുകയോ നിർമ്മിക്കുകയോ രാജ്യത്തേക്ക് കടത്തുന്നതിൽ ഏർപ്പെടുകയോ ചെയ്താൽ, കുറ്റവാളിയെ സ്‌ഫോടകവസ്തുക്കളുടെയും പടക്കങ്ങളുടെയും നിയമപ്രകാരം തടവും പിഴയും ചുമത്തുമെന്ന് പബ്ലിക് പ്രോസിക്യൂഷൻ സ്ഥിരീകരിച്ചു.
സ്‌ഫോടകവസ്തുക്കൾ, പടക്കങ്ങൾ എന്നിവയുടെ നിയമം ലംഘിക്കുന്നവർക്കുള്ള ശിക്ഷ 6 മാസത്തിൽ കൂടാത്ത തടവും 100,000 റിയാലിൽ കൂടാത്ത പിഴയും അല്ലെങ്കിൽ ഈ രണ്ട് പിഴകളിൽ ഏതെങ്കിലും ഒന്നോ ആയിരിക്കുമെന്ന് പബ്ലിക് പ്രോസിക്യൂഷൻ മുന്നറിയിപ്പ് നൽകി.
കൈവശം വയ്ക്കാൻ അനുമതിയുള്ള ലൈസൻസ് ലഭിക്കാതെ ഏതെങ്കിലും തോക്കുകളോ അതിന്റെ വെടിക്കോപ്പുകളോ കൈവശം വയ്ക്കുന്നത് നിരോധിച്ചതായും പബ്ലിക് പ്രോസിക്യൂഷൻ നേരത്തെ അറിയിച്ചിരുന്നു.
പൊതുസ്ഥലങ്ങളിലോ പരിപാടികളിലോ തോക്കുകൾ ഉപയോഗിച്ച് വെടിവയ്ക്കുന്നത് നിരോധിച്ചിട്ടുണ്ട്. ഈ പ്രവൃത്തികൾ അറസ്റ്റിന് അർഹതയുള്ള പ്രധാന കുറ്റകൃത്യങ്ങളിൽ ഒന്നാണെന്ന് വ്യക്തമാക്കിയിട്ടുണ്ട്.
