ജിദ്ദ: ജിദ്ദ സീസണിന്റെ ഭാഗമായി നടക്കുന്ന ‘സർക്യൂ ഡു സൊലെയിൽ’ പരിപാടിയുടെ സമയ ക്രമീകരണങ്ങൾ പ്രഖ്യാപിച്ചു. 2022 മെയ് 2 ന് ഈദുൽ ഫിത്വർ ആദ്യ ദിനത്തിലാണ് ഉദ്ഘാടന പരിപാടി. ജൂൺ 28 വരെ തുടരുന്ന ‘സർക്യു ഡു സൊലെയിൽ’ ഷോകളുടെ തീയതികൾ ജിദ്ദ സീസൺ 2022 മാനേജ്മെന്റ് കഴിഞ്ഞ ദിവസമാണ് പുറത്ത് വിട്ടത്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
കിംഗ് അബ്ദുല്ല സ്പോർട്സ് സിറ്റിയിൽ ‘സർക്യു ഡു സൊലെയ്ലി’ന്റെ പ്രവർത്തനങ്ങൾ എല്ലാ കുടുംബാംഗങ്ങൾക്കും അനുയോജ്യമായ നിരവധി അക്രോബാറ്റിക് ഷോകൾക്കും വിവിധ നാടക പ്രവർത്തനങ്ങൾക്കും രസകരമായ പ്രകടന കലകൾക്കും സാക്ഷ്യം വഹിക്കും.
Cirque du Soleil ഷോകൾ തിങ്കൾ, വ്യാഴം ദിവസങ്ങളിൽ വൈകുന്നേരം 09:00 മുതൽ 11:00 വരെയും വെള്ളി, ശനി ദിവസങ്ങളിൽ വൈകുന്നേരം 04:00 മുതൽ 06:00 വരെയും 09:00 മുതൽ 11:00 വരെയും പ്രദർശിപ്പിക്കും.
സന്ദർശകർക്കായി നിരവധി ആശ്ചര്യങ്ങൾ ഉൾപ്പെടുത്തുന്നതിനായി 2022 ലെ ജിദ്ദ സീസണിൽ ആദ്യമായി ‘സർക്യു ഡു സൊലെയിൽ’ പ്രത്യേക സ്ഥാനം വഹിക്കും. അതികൗതുകകരമായ കാഴ്ച്ചകളായിരിക്കുകളെ സന്ദർശകർക്ക് സമ്മാനിക്കുക.
ജിദ്ദയിലെ റോഷന മാൾ, റെഡ് സീ മാൾ, മാൾ ഓഫ് അറേബ്യ, റിയാദിലെ അൽ നഖീൽ മാൾ, പനോരമ മാൾ, ഹയാത്ത് മാൾ, റിയാദ് പാർക്ക്, ദഹ്റാനിലെ ദഹ്റാൻ മാൾ എന്നിവിടങ്ങളിലെ വിർജിൻ ഷോറൂമുകളിൽ റിസർവേഷനുകൾ ലഭ്യമാകുമെന്ന് സംഘാടകർ അറിയിച്ചു.
