ജിദ്ദ: ഉംറ നിർവഹിക്കുന്നതിനായി രാജ്യത്തെത്തിയ രണ്ട് യാത്രക്കാരുടെ ലഗേജിൽ ഒളിപ്പിച്ച നിലയിൽ കണ്ടെത്തിയ 141,000 ക്യാപ്റ്റഗൺ ഗുളികകൾ കടത്താനുള്ള ശ്രമം തകർത്തു. അൽ ഹദീത തുറമുഖം വഴി രാജ്യത്തേക്ക് എത്തിയ ബസുകളിലൊന്നിലെ യാത്രക്കാരിൽ നിന്നാണ് മയക്കുമരുന്ന് ഗുളികകൾ പിടികൂടിയതെന്ന് അൽ ഹദീത തുറമുഖത്തെ സകാത്ത്, ടാക്സ്, കസ്റ്റംസ് അതോറിറ്റി അറിയിച്ചു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
കസ്റ്റംസ് നടപടിക്രമങ്ങൾ നടത്തുന്നതിനിടെയാണ് രണ്ട് യാത്രക്കാരുടെ ബാഗേജിൽ നിന്ന് 141,831 ക്യാപ്റ്റഗൺ ഗുളികകൾ പിടികൂടിയത്. ഒലിവ് ഓയിൽ പ്ലാസ്റ്റിക് ഗ്യാലനുകൾക്കുള്ളിൽ ഒളിപ്പിച്ചു വെച്ച നിലയിലാണ് ഗുളികകൾ കണ്ടെത്തിയതെന്ന് അതോറിറ്റി വിശദീകരിച്ചു. ഗ്യാലനുകൾക്കുള്ളിൽ അതി വിദഗ്ധമായാണ് ഗുളികകൾ ഒളിപ്പിച്ചിരുന്നത്.
രാജ്യത്തേക്ക് മയക്കുമരുന്ന് എത്തിക്കാൻ എല്ലാത്തിനെയും ചൂഷണം ചെയ്യാനാണ് കള്ളക്കടത്തുകാരുടെ ശ്രമമെന്നും ഉംറ സീസണിന് സാക്ഷ്യം വഹിക്കുന്ന അത്തരം ദിവസങ്ങൾ കള്ളക്കടത്തുകാര് മുതലാക്കാമെന്നും അധികൃതർ മുന്നറിയിപ്പ് നൽകി. കര, കടൽ, വ്യോമ കസ്റ്റംസ് അതി ശക്തമാണ്. ദയനീയവും എല്ലാ തരത്തിലുമുള്ള മയക്കുമരുന്ന് കള്ളക്കടത്തിനെ നേരിടാൻ സർവ്വ സജ്ജമാണ് കസ്റ്റംസ്.
ഇത്തരം കള്ളക്കടത് സംബന്ധമായുള്ള സുരക്ഷാ റിപ്പോർട്ടുകൾക്കായി 1910 എന്ന നമ്പറിലോ 1910@zatca.gov.sa എന്ന ഇ-മെയിൽ വഴിയോ അല്ലെങ്കിൽ അന്താരാഷ്ട്ര നമ്പർ 00966114208417 വഴിയോ ആശയവിനിമയം നടത്തി സമൂഹത്തെയും ദേശീയ സമ്പദ്വ്യവസ്ഥയെയും സംരക്ഷിക്കുന്നതിന് എല്ലാവരോടും സംഭാവന നൽകാൻ അതോറിറ്റി ആഹ്വാനം ചെയ്തു. കള്ളക്കടത്തുമായി ബന്ധപ്പെട്ട ഇത്തരം അറിയിപ്പുകൾ രഹസ്യമാക്കി വെക്കുമെന്നും അറിയിപ്പ് വിവരങ്ങൾ ശരിയാണെങ്കിൽ വിവരം നൽകിയവർക്ക് സാമ്പത്തിക പാരിതോഷികം നൽകുകയും ചെയ്യും.
