റിയാദ്: ഗാർഹിക തൊഴിലാളികളുടെ തൊഴിൽ സംവിധാനം, അവകാശങ്ങൾ, കടമകൾ എന്നിവയും മറ്റും നിയന്ത്രിക്കുന്ന പുതിയ നിയന്ത്രണം നടപ്പിലാക്കാൻ മാനവ വിഭവശേഷി, സാമൂഹിക വികസന മന്ത്രാലയം ഒരുങ്ങുന്നു. തൊഴിൽ കരാറിന്റെ വിശദാംശങ്ങളും അത് റദ്ദാക്കുന്നതിനുള്ള നിയന്ത്രണങ്ങളും തൊഴിലാളിയുടെയും തൊഴിലുടമയുടെയും അവകാശങ്ങളും പരസ്പരം കടമകളും നിയന്ത്രണത്തിൽ ഉൾപ്പെടുത്തിയിട്ടുണ്ട്. മറ്റു തൊഴിലാളികളെ പോലെ ആഴ്ചയിലുള്ള അവധി, വാർഷിക അവധി, സേവനാന്തര ആനുകൂല്യങ്ങൾ തുടങ്ങി ഗാർഹിക തൊഴിലാളികൾക്ക് നിരവധി ആനൂകൂല്യങ്ങൾ അനുവദിക്കുന്നതാണ് പുതിയ തൊഴിൽ വ്യവസ്ഥ. കൂടാതെ അധിക സമയം തൊഴിലെടുപ്പിക്കുന്നതും, മറ്റുള്ളവർക്ക് വേണ്ടി തൊഴിലെടുക്കാൻ ഗാർഹിക തൊഴിലാളികളെ പ്രേരിപ്പിക്കുന്നതും, അധിക സമയത്തിന് നൽകേണ്ട വേതനത്തെ കുറിച്ചും, ഇൻഷൂറൻസിനെ കുറിച്ചും അധിക ജോലി സമയത്തെ സംബന്ധിച്ചും പുതിയ നിയമങ്ങളിൽ വ്യവസ്ഥ ചെയ്യുന്നുണ്ട്. നിയന്ത്രണത്തിന്റെ ഏറ്റവും പ്രധാനപ്പെട്ട വിശദാംശങ്ങൾ ഇനിപ്പറയുന്നവയാണ്:
തൊഴിൽ കരാറിന്റെ നിബന്ധനകളും അത് റദ്ദാക്കലും
രേഖാമൂലമുള്ള തൊഴിൽ കരാർ മുഖേന ഗാർഹിക തൊഴിലാളിയും തൊഴിലുടമയും തമ്മിലുള്ള ബന്ധം നിയന്ത്രിക്കാനും മാനവ വിഭവശേഷി, സാമൂഹിക വികസന മന്ത്രാലയത്തിന്റെ പ്ലാറ്റ്ഫോമിൽ അത് രേഖപ്പെടുത്താനും നിയന്ത്രണത്തിന്റെ ആർട്ടിക്കിൾ വ്യവസ്ഥ ചെയ്യുന്നു.
ഗാർഹിക തൊഴിലാളി നിർവഹിക്കാൻ ബാധ്യസ്ഥനായ ജോലിയുടെ തരം, വേതനം എന്നിവ വ്യക്തമാക്കുന്ന, ഈ നിയന്ത്രണത്തിലെ വ്യവസ്ഥകൾക്ക് വിരുദ്ധമല്ലാത്ത രീതിയിൽ ഇരു കക്ഷികളും അംഗീകരിച്ച വ്യവസ്ഥകൾ കരാറിൽ ഉൾപ്പെടുത്തണം. വീട്ടുജോലിക്കാരന് പണം നൽകാനും ഇരു കക്ഷികളുടെയും അവകാശങ്ങളും കടമകളും സംരക്ഷിക്കലും ബാധ്യതയാണ്. ആഴ്ചതോറുമുള്ള വിശ്രമം, വാർഷിക അവധി, സേവനാനന്തര ഗ്രാറ്റുവിറ്റി, ഗാർഹിക തൊഴിലാളികളുടെ ജോലിക്കുള്ള പുതിയ നിയന്ത്രണങ്ങൾ എന്നിവയും ബാധകമാകും.
വിലക്കുകൾ അവഗണിക്കാൻ പാടില്ല
21 വയസ്സിന് താഴെയുള്ള ഒരു വീട്ടുജോലിക്കാരനെ ജോലിക്ക് നിയോഗിക്കുന്നതിന് പുതിയ നിയന്ത്രണത്തിൽ വിലക്കുണ്ട്, കൂടാതെ തൊഴിലുടമ ഒരു വീട്ടുജോലിക്കാരനെ മറ്റുള്ളവർക്ക് വേണ്ടി ജോലി ചെയ്യാനോ അല്ലെങ്കിൽ ജോലി കരാറിലും റസിഡൻസ് പെർമിറ്റിലും രേഖപ്പെടുത്തിയിട്ടുള്ള തൊഴിലിന് പുറമെയുള്ള ജോലിക്ക് നിയോഗിക്കരുത്.
തൊഴിലാളിയുടെ കടമകൾ
വീട്ടുജോലിക്കാരൻ കരാറിൽ സമ്മതിച്ച ജോലി നിർവഹിക്കാനും, സമ്മതിച്ച ജോലി നടപ്പിലാക്കുന്നതുമായി ബന്ധപ്പെട്ട തൊഴിലുടമയുടെയും അവന്റെ കുടുംബാംഗങ്ങളുടെയും ഉത്തരവുകൾ പാലിക്കുന്നതിനും, തൊഴിലുടമയുടെയും കുടുംബാംഗങ്ങളുടെയും സ്വത്ത് സംരക്ഷിക്കുന്നതിനും ബാധ്യസ്ഥനാണ്. തൊഴിലുടമയോടും കുടുംബത്തോടും ശാരീരികമായി ഉപദ്രവിക്കുകയോ അക്രമാസക്തമായ പ്രവൃത്തികൾ ചെയ്യുകയോ ചെയ്യരുത്.
തൊഴിലുടമയുടെയും കുടുംബാംഗങ്ങളുടെയും വീട്ടിലെ ആളുകളുടെയും രഹസ്യങ്ങൾ സൂക്ഷിക്കുക, അത് മറ്റുള്ളവരോട് പറയാതിരിക്കുക, നിയമാനുസൃതമായ കാരണമില്ലാതെ ജോലി ചെയ്യാൻ വിസമ്മതിക്കുകയോ ജോലി ഉപേക്ഷിക്കുകയോ ചെയ്യരുത്.
തൊഴിലാളി സ്വന്തം അക്കൗണ്ടിന് വേണ്ടിയോ മറ്റുള്ളവർക്ക് വേണ്ടിയോ പ്രവർത്തിക്കരുത്. അല്ലെങ്കിൽ തന്റെ വർക്ക് കരാറിലും റസിഡൻസ് പെർമിറ്റിലും എഴുതിയിരിക്കുന്നതല്ലാതെ മറ്റൊരു തൊഴിലിൽ ജോലി ചെയ്യരുത്, അതുപോലെ തന്നെ തൊഴിലുടമയുടെയും കുടുംബാംഗങ്ങളുടെയും അന്തസ്സിനെ ബാധിക്കുന്ന തരത്തിലോ, അവരുടെ കാര്യങ്ങളിലോ ഇടപെടരുത്. ഇസ്ലാമിക മൂല്യങ്ങൾ മാനിക്കുക, രാജ്യത്ത് നിലവിലുള്ള നിയന്ത്രണങ്ങൾ, സഊദി സമൂഹത്തിന്റെ ആചാരങ്ങളും അതിന്റെ പാരമ്പര്യങ്ങളും പാലിക്കുക, കുടുംബത്തിന് ഹാനികരമായ ഒരു പ്രവർത്തനത്തിലും ഏർപ്പെടാതിരിക്കുക.
തൊഴിലാളിയുടെ അവകാശങ്ങൾ
കരാറിൽ രണ്ട് കക്ഷികളും അംഗീകരിക്കുന്ന പ്രകാരം ഗാർഹിക തൊഴിലാളിക്ക് ആഴ്ചതോറുമുള്ള വിശ്രമത്തിന് അർഹതയുണ്ടാകും. കൂടാതെ ചില സന്ദർഭങ്ങളിൽ ഒഴികെ തൊഴിലാളിയുടെ വേതനത്തിൽ നിന്ന് കുറവ് വരുത്താൻ അനുവദനീയമല്ല. അത്തരം ഘട്ടങ്ങളിൽ തന്നെ തൊഴിലാളിയുടെ വേതനത്തിന്റെ പകുതിയിലധികം കുറക്കാനും പാടില്ല.
രണ്ട് വർഷം കഴിഞ്ഞ് വീട്ടുജോലിക്കാരന് ശമ്പളത്തോടുകൂടിയ ഒരു മാസത്തെ അവധിക്ക് അർഹതയുണ്ടെന്നും അദ്ദേഹം അത് സമാനമായ കാലയളവിൽ പുതുക്കാൻ ആഗ്രഹിക്കുന്നുവെങ്കിൽ അതും അനുവദിക്കണം. ഇല്ലെങ്കിൽ അതിന് പകരമായി നഷ്ടപരിഹാരം നൽകാനുള്ള അവകാശമുണ്ടെന്നും റെഗുലേഷൻ കൂട്ടിച്ചേർത്തു.
തൊഴിലുടമയുടെ സേവനത്തിൽ തുടർച്ചയായി നാല് വർഷം ചെലവഴിച്ചാൽ, ഗാർഹിക തൊഴിലാളിക്ക് ഒരു മാസത്തെ വേതനത്തിന് അർഹതയുണ്ടെന്ന് അവർ ഊന്നിപ്പറഞ്ഞു.
തൊഴിലുടമയുടെ ബാധ്യതകൾ
ഗാർഹിക തൊഴിലാളിയെ സ്വന്തം അക്കൗണ്ടിനോ മറ്റുള്ളവർക്കോ വേണ്ടി ജോലി ചെയ്യാൻ അനുവദിക്കാതിരിക്കാൻ തൊഴിലുടമ ബാധ്യസ്ഥനാണെന്നും നിയന്ത്രണം അനുശാസിക്കുന്നു.
വീട്ടുജോലിക്കാരൻ ശമ്പളം ബാങ്ക് അകൗണ്ട് വഴി നൽകണം. തൊഴിലാളി അത് മറ്റൊന്നിലേക്ക് ട്രാൻസ്ഫർ ചെയ്യാൻ ആവശ്യപ്പെട്ടാൽ അതും അങ്ങനെയും ചെയ്തു കൊടുക്കാം. എങ്ങനെ ആയാലും തൊഴിലാളിക്ക് ഒരു പ്രത്യേക ബാങ്ക് അക്കൗണ്ടിലേക്ക് ട്രാൻസ്ഫർ ചെയ്തുകൊണ്ട് വേതനവും അതിന്റെ കുടിശ്ശികയും നൽകാൻ തൊഴിലുടമ ബാധ്യസ്ഥനാണ്.
നിറം, ലിംഗഭേദം, പ്രായം, ദേശീയ ഉത്ഭവം അല്ലെങ്കിൽ മറ്റേതെങ്കിലും തരത്തിലുള്ള വിവേചനം എന്നിവയെ അടിസ്ഥാനമാക്കിയുള്ള അടിമത്തമോ മുൻഗണനയോ ഉൾപ്പെടുന്ന ഏതെങ്കിലും പ്രവൃത്തിയിൽ നിന്ന് തൊഴിലുടമ വിട്ടു നിൽക്കണം.
ഗാർഹിക തൊഴിലാളിയുടെ പാസ്പോർട്ടോ അദ്ദേഹത്തിന്റെ ഏതെങ്കിലും സ്വകാര്യ രേഖകളോ തിരിച്ചറിയൽ പേപ്പറോ സൂക്ഷിക്കുന്നത് സ്പോൺസർക്ക് അനുവദനീയമല്ലെ. വീട്ടുജോലിക്കാരന്റെ മൃതദേഹം തിരികെ നൽകാൻ തൊഴിലുടമ ബാധ്യസ്ഥാനണ്. തൊഴിലാളിയെ അവന്റെ കുടുംബവുമായും അവന്റെ എംബസിയുമായും റിക്രൂട്ട്മെന്റ് ഓഫീസുമായും യോഗ്യതയുള്ള അധികാരികളുമായും ആശയവിനിമയം നടത്തി ഇക്കാര്യങ്ങൾ ചെയ്യണം.
തൊഴിലാളി പുതുക്കാൻ ആഗ്രഹിക്കാത്ത സാഹചര്യത്തിൽ കരാർ കാലഹരണപ്പെടുമ്പോൾ ഗാർഹിക തൊഴിലാളിക്ക് ഫൈനൽ എക്സിറ്റ് വിസ നൽകാൻ തൊഴിലുടമ ബാധ്യസ്ഥനാണ്. ഗാർഹിക തൊഴിലാളിക്ക് അവന്റെ ആരോഗ്യത്തിന് ഭീഷണിയായ ഒരു ജോലിയും നൽകരുത്, അവന്റെ ശരീരത്തിന്റെ സുരക്ഷ, അല്ലെങ്കിൽ അവന്റെ മാനുഷിക അന്തസ്സിനെ ബാധിക്കുന്ന, കാര്യങ്ങളിൽ നിർബന്ധിച്ച് ജോലി ചെയ്യിക്കരുത്.
ഗാർഹിക തൊഴിലാളി ജോലിക്ക് ഹാജരാകാത്ത സാഹചര്യത്തിൽ, തൊഴിലാളിയുടെ അഭാവത്തെക്കുറിച്ചുള്ള റിപ്പോർട്ട് ബന്ധപ്പെട്ട വകുപ്പുകൾക്ക് കൈമാറാൻ തൊഴിലുടമ ബാധ്യസ്ഥനാണെന്നും ഈ വ്യവസ്ഥകൾ ലംഘിക്കുന്ന തൊഴിലുടമയെയും വീട്ടുജോലിക്കാരനെയും ശിക്ഷിക്കുമെന്നും റെഗുലേഷൻ ചൂണ്ടിക്കാട്ടി.
