അബുദാബി: രാജ്യത്തേക്ക് വരുന്നവർക്ക് നിർബന്ധമായിരുന്ന പി സി ആർ റിസൾട്ട് ഒഴിവാക്കി യു എ ഇ. യുഎഇയിലേക്ക് വാക്സിനേഷൻ എടുത്ത യാത്രക്കാർ യാത്രയ്ക്ക് മുമ്പ് പിസിആർ ടെസ്റ്റ് ഹാജരാക്കേണ്ടതില്ലെന്ന് നാഷണൽ അതോറിറ്റി ഫോർ എമർജൻസി, ക്രൈസിസ് ആൻഡ് ഡിസാസ്റ്റർ മാനേജ്മെന്റ് (എൻസിഇഎംഎ) അറിയിച്ചു.
പകരം, യാത്രക്കാർ QR കോഡ് അടങ്ങിയ അംഗീകൃത കൊവിഡ്-19 വാക്സിനേഷൻ സർട്ടിഫിക്കറ്റ് ഹാജരാക്കിയാൽ മതി. പ്രവാസികൾക്ക് ഏറെ ആശ്വാസം നൽകുന്നതാണ് ഈ പ്രഖ്യാപനം. അതേസമയം, വാക്സിനേഷൻ എടുക്കാത്ത യാത്രക്കാർ അവരുടെ യാത്രയ്ക്ക് 48 മണിക്കൂർ മുമ്പ് അംഗീകൃത പിസിആർ പരിശോധനാ ഫലം ഹാജരാക്കണം. പ്രതിരോധ കുത്തിവയ്പ് എടുക്കാത്ത വ്യക്തികൾ വൈറസ് ബാധിച്ചു മുക്തർ ആണെങ്കിൽ ഒരു സിസ്റ്റം ക്യുആർ കോഡ് അടങ്ങിയ സർട്ടിഫിക്കറ്റും ഹാജരാക്കാം.
അതേസമയം, യുഎഇയിൽ നിന്ന് യാത്ര ചെയ്യാൻ ആഗ്രഹിക്കുന്ന രാജ്യങ്ങൾക്കും ലക്ഷ്യസ്ഥാനങ്ങൾക്കും വേണ്ടിയുള്ള പരിശോധനകളുടെയും വാക്സിനേഷനുകളുടെയും ആവശ്യകതകൾ പാലിക്കണമെന്നും അതോറിറ്റി അറിയിച്ചു.
നേരത്തെ, ബഹ്റൈനും ഖത്തറും സമാനമായ ഇളവുകൾ പ്രഖ്യാപിച്ചിരുന്നു.
യു എ ഇ യിൽ ഇനി മാസ്ക് വേണ്ട
