റിയാദ്: സഊദി അറേബ്യൻ ഫുട്ബോൾ ഫെഡറേഷൻ (SAFF) മോണിക്ക സ്റ്റാബിനെ സഊദി വനിതാ ദേശീയ ഫുട്ബോൾ ടീം പരിശീലകനായി ഔദ്യോഗികമായി പ്രഖ്യാപിച്ചു. ഫുട്ബോൾ പരിശീലകനും “ജർമ്മൻ ഫുട്ബോൾ അംബാസഡർ 2014” അവാർഡ് ജേതാവുമായ സ്റ്റാബ് ഏറ്റവും ജനപ്രിയമായ അസോസിയേഷൻ ഫുട്ബോൾ കളിക്കാരന്റെ പട്ടികയിൽ ഇടം നേടിയ കളിക്കാരനാണ്. പ്രശസ്ത സെലിബ്രിറ്റികളുടെ പട്ടികയിലും ജർമ്മനിയിൽ ജനിച്ച ഇവർ സ്ഥാനം നേടിയിട്ടുണ്ട്.
ഇന്റർനാഷണൽ ഫുട്ബോൾ അസോസിയേഷൻ (ഫിഫ), യൂണിയൻ ഓഫ് യൂറോപ്യൻ ഫുട്ബോൾ അസോസിയേഷൻസ് (യുഇഎഫ്എ), ജർമൻ ഫുട്ബോൾ അസോസിയേഷൻ എന്നിവയുടെ ലക്ചറർ എന്ന നിലയിലുള്ള ജോലിക്ക് പുറമേ, ജർമ്മൻ കോച്ചിന് കളിക്കാരനായും പരിശീലകനായും 25 വർഷത്തിലേറെ പരിചയമുണ്ട്.
സഊദി അറേബ്യയിലെ വനിതാ ഫുട്ബോൾ വികസനത്തിലേക്കുള്ള ഒരു യാത്രയാണ് നടത്തിയിരിക്കുന്നതെന്ന് SAFF ഡയറക്ടർ ബോർഡ് അംഗവും വനിതാ ഫുട്ബോൾ ഡിപ്പാർട്ട്മെന്റ് ഡയറക്ടറുമായ ലാമിയ ബിൻ ബഹിയാൻ സ്റ്റാബിന്റെ നിയമനത്തെക്കുറിച്ച് അഭിപ്രായപ്പെട്ടു. വനിതാ ഫുട്ബോളിനെ അതിന്റെ ഏറ്റവും ഉയർന്ന തലങ്ങളിലേക്ക് എത്തിക്കാൻ ലക്ഷ്യമിടുന്ന പ്രധാന തന്ത്രത്തിനുള്ളിലാണ് ഇത്.
സഊദി വിഷൻ 2030 ന്റെ വെളിച്ചത്തിൽ, സ്ത്രീകളുടെ സ്പോർട്സ് പങ്കാളിത്ത നിരക്കിൽ വൻ വർദ്ധനവിന് സാക്ഷ്യം വഹിച്ചിട്ടുണ്ട് . കഴിഞ്ഞ നാല് വർഷത്തിനിടെ ഇത് 149 ശതമാനത്തിലെത്തിയതായാണ് കണക്കുകൾ. 5-15 വയസ്സിനിടയിൽ പ്രായമുള്ള 195,000-ലധികം പെൺകുട്ടികൾ ആഴ്ചതോറും പരിശീലനം നേടുന്നുണ്ട്. 2025-ഓടെ സ്റ്റേഡിയങ്ങളിലെ ഫുട്ബോൾ ടൂർണമെന്റുകളിൽ മത്സരിക്കാൻ കഴിവുള്ള ഒരു ദേശീയ ടീമിനെ രൂപീകരിക്കാനാണ് സഊദി ഫുട്ബോൾ ഫെഡറേഷൻ ശ്രമിക്കുന്നത്. ഫുട്ബോൾ പരിപാടികൾ വികസിപ്പിക്കാൻ ലക്ഷ്യമിട്ട് 17, 15, 13 വയസ്സിന് താഴെയുള്ള പെൺകുട്ടികൾക്കായുള്ള ആദ്യ പ്രാദേശിക പരിശീലന കേന്ദ്രത്തിന്റെ ആദ്യ ബാച്ച് തുടങ്ങിയിട്ടുണ്ട്. രാജ്യത്താകമാനം 9 പുതിയ കേന്ദ്രങ്ങൾ തുറക്കാൻ സാഫ് ശ്രമം ശക്തമാക്കിയിട്ടുണ്ട്.
