മസ്കറ്റ്: ഒമാനെ പിടിച്ചുലച്ച് ഷഹീന്റെ പ്രയാണം. രാജ്യത്തിന്റെ ചില ഭാഗങ്ങളിൽ മണ്ണിടിച്ചിലുണ്ടാകാൻ സാധ്യതയുള്ള ഉഷ്ണമേഖലാ കൊടുങ്കാറ്റ് ഷഹീൻ കാരണം തലസ്ഥാനമായ മസ്കറ്റ് വിമാനത്താവളത്തിലേക്കും തിരിച്ചുമുള്ള വിമാനങ്ങൾ പൂർണ്ണമായും ഒമാൻ നിർത്തിവച്ചു. കനത്ത മഴ കാരണം ഒമാനി തലസ്ഥാനത്തെ ചില തെരുവുകൾ വെള്ളത്തിൽ മുങ്ങി.
ശനിയാഴ്ച രാജ്യത്തിന്റെ വടക്കൻ തീരത്ത് കൊടുങ്കാറ്റിന് സാധ്യതയുള്ള പ്രദേശങ്ങൾ ഒഴിപ്പിക്കാൻ ഒമാനി അധികൃതർ ഉത്തരവിട്ടിരുന്നു. മുന്നറിയിപ്പ് പ്രദേശങ്ങളിലെ താമസക്കാരോട് സർക്കാർ നൽകിയ അഭയകേന്ദ്രങ്ങളിലേക്ക് പോകാൻ നിർദേശങ്ങൾ നൽകിയിട്ടുണ്ട്.
ഒമാനി തലസ്ഥാനമായ മസ്കറ്റിലെ റുസൈൽ ഇൻഡസ്ട്രിയൽ ഏരിയയിൽ പർവ്വതം ഇടിഞ്ഞുവീണു. ഏഷ്യൻ തൊഴിലാളികൾ താമസിക്കുന്ന കെട്ടിടത്തിന് മുകളിലേക്കാണ് മല ഇടിഞ്ഞു വീണത്. ഇത് രണ്ടുപേരുടെ മരണത്തിലേക്ക് നയിച്ചു. അവശിഷ്ടങ്ങൾക്കടിയിൽ നിന്ന് രണ്ട് പേരുടെ മൃതദേഹങ്ങൾ പുറത്തെടുത്തതായും പ്രദേശം ഒഴിപ്പിച്ചതായും ഒമാനി അധികൃതർ പ്രസ്താവനയിൽ പറഞ്ഞു. മസ്കത്ത് ഗവർണറേറ്റിലെ അൽ അമീറാത്തിൽ ജലാശയങ്ങളിൽ ഒരു കുട്ടി മരിച്ചതായി ഒമാനി അധികൃതർ വ്യക്തമാക്കിയിരുന്നു.
ഇറാനിലും കനത്ത നാഷനഷ്ടമാണ് ഷഹീൻ ഉണ്ടാക്കിയത്. ഇറാനിയൻ ഫാർസ് ന്യൂസ് ഏജൻസി റിപ്പോർട്ട് പ്രകാരം, ഷഹീൻ ചുഴലിക്കാറ്റ് ഡസൻ കണക്കിന് പേർക്ക് പരിക്കേൽക്കുകയും ഇറാനിൽ കനത്ത നഷ്ടം ഉണ്ടാക്കുകയും ചെയ്തിട്ടുണ്ട്.
വീഡിയോകൾ👇
