Monday, 17 June - 2024

ആശങ്കയൊഴിഞ്ഞു, ചൈനീസ്​ റോക്കറ്റ്​ ഇന്ത്യൻ മഹാസമുദ്രത്തിൽ പതിച്ചു

ബെയ്​ജിങ്​: ഏറെ ദിവസങ്ങളായി ലോ​കത്തെ മുൾമുനയിൽ നിർത്തിയ ചൈനീസ്​ റോക്കറ്റ്​ ഒടുവിൽ ഭൂമിയിൽ പതിച്ചു. മണിക്കൂറുകൾക്ക്​ മുമ്പ്​ ഭൂമിയുടെ അന്തരീക്ഷത്തിൽ പ്രവേശിച്ച റോക്കറ്റിന്‍റെ മാ​ല​ദ്വീ​പി​നോ​ടു ചേ​ർ​ന്ന് ഇ​ന്ത്യ​ൻ മഹാ​സ​മു​ദ്ര​ത്തി​ലാ​ണ് ചി​ത​റി​ത്തെ​റി​ച്ച​ത്. റോക്ക​റ്റി​ന്‍റെ ഭാ​ഗ​ങ്ങ​ളി​ലേ​റെ​യും ഭൂ​മി​യു​ടെ അ​ന്ത​രീ​ക്ഷ​ത്തി​ലേ​ക്ക് പ്ര​വേ​ശി​ച്ച​പ്പോ​ഴെ ക​ത്തി​യെ​രി​ഞ്ഞ​താ​യും ചി​ല ഭാ​ഗ​ങ്ങ​ൾ മാ​ത്ര​മാ​ണ് ക​ട​ലി​ൽ വീ​ണ​തെ​ന്നും ചൈ​ന അ​റി​യി​ച്ചു.

നേ​ര​ത്തേ, റോ​ക്ക​റ്റ് ക​ട​ന്നു​പോ​കു​ന്ന​തി​ന്‍റെ ദൃ​ശ്യ​ങ്ങ​ള്‍ പു​റ​ത്തു​വ​ന്നി​രു​ന്നു. ഒ​മാ​ന്‍, ഇ​സ്ര​ഈൽ ​ ഏ​ന്നീ രാ​ജ്യ​ങ്ങ​ളി​ല്‍ നി​ന്നു​ള്ള ചി​ത്ര​ങ്ങ​ളാ​ണ് ല​ഭി​ച്ച​ത്. ടി​യാ​ന്‍​ഹെ മൊ​ഡ്യൂ​ളി​ല്‍ നി​ന്ന് വേ​ര്‍​പെ​ട്ട റോ​ക്ക​റ്റി​ന്‍റെ പ്ര​ധാ​ന ഭാ​ഗം ഭൂ​മി​യി​ലേ​ക്ക് സു​ര​ക്ഷി​ത​മാ​യി തി​രി​കെ ഇ​റ​ക്കാ​നു​ള്ള ശ്ര​മ​ത്തി​നി​ടെ​യാ​ണ് നി​യ​ന്ത്ര​ണം ന​ഷ്ട​മാ​യ​ത്.

മാർച്ച്​ 5ബി ഏപ്രിൽ 20 നാണ്​ ചൈനയിലെ ഹൈനാൻ ദ്വീപിൽ നിന്ന്​ നാലു ബൂസ്റ്ററുകളും ഒരു കോർ സ്​റ്റേജുമായി ​ബഹിരാകാശത്തേക്ക്​ കുതിച്ചത്​. ചൈനയുടെ സ്വന്തം ബഹിരാകാശ ഏജൻസിക്കു വേണ്ട സാമഗ്രികളും വഹിച്ചു പുറപ്പെട്ട റോക്കറ്റ് അവ ലക്ഷ്യസ്ഥാനത്ത് എത്തിച്ച് ദൗത്യം പൂർത്തിയായി മടങ്ങുകയായായിരുന്നു. റോക്കറ്റ്​ അപകടമില്ലാതെ അന്തരീക്ഷത്തിൽ കത്തിത്തീരുകയോ അവശേഷിച്ച ഭാഗങ്ങൾ സമുദ്രത്തിൽ വീഴുകയോ ചെയ്യുമെന്നായിരുന്നു പ്രഖ്യാപനം.

Most Popular

error: