റിയാദ്: അൽ ഹിലാൽ എഫ്സിയുടെ ബ്രസീലിയൻ താരം നെയ്മർ ജൂനിയർ 2034 ഫിഫ ലോകകപ്പിന് ആതിഥേയത്വം വഹിക്കാനുള്ള സൗദി അറേബ്യയുടെ ശ്രമത്തിൽ തൻ്റെ അഭിനന്ദനം അറിയിച്ചു. അസാധാരണമായ ഒരു ലോക കപ്പ് സംഘടിപ്പിക്കുന്നതിന് ആവശ്യമായ അടിസ്ഥാന സൗകര്യങ്ങളും കഴിവുകളും രാജ്യത്തിനുണ്ടെന്ന് അദ്ദേഹം പറഞ്ഞു.
റിയാദിൽ നടന്ന സൗദി അറേബ്യ ഫിഫ ലോകകപ്പ് 2034 ബിഡ് എക്സിബിഷൻ്റെ പര്യടനത്തിനിടെയായിരുന്നു അദ്ദേഹത്തിൻ്റെ പരാമർശം. “എൻ്റെ ജീവിതത്തിൽ ഞാൻ കണ്ടിട്ടുള്ളതിൽ വച്ച് ഏറ്റവും മികച്ച പ്രോജക്റ്റുകളിൽ ഒന്നാണ് ബിഡ് (ലേലം) എന്ന് ഞാൻ കരുതുന്നു. എക്കാലത്തെയും മികച്ച ലോകകപ്പ് ആകാനുള്ള എല്ലാ സാധ്യതകളും ഇതിനുണ്ട്: നെയ്മർ പറഞ്ഞു.
കളിക്കാർക്കും ആരാധകർക്കും ഒരുപോലെ മികച്ച അനുഭവം ഉറപ്പാക്കുന്നതിനായി ആഗോള ഇവൻ്റിനായുള്ള രാജ്യത്തിന്റെ ബിഡ് സൂക്ഷ്മമായി ആസൂത്രണം ചെയ്തിട്ടുണ്ടെന്ന് അദ്ദേഹം എടുത്തുപറഞ്ഞു.
ഇവിടെ സ്റ്റേഡിയങ്ങൾക്കും ഹോട്ടലുകൾക്കുമിടയിൽ എളുപ്പമുള്ള സഞ്ചാരം ഉറപ്പാക്കുന്നു. താൻ വന്ന നിമിഷം മുതൽ രാജ്യത്തോടുള്ള തൻ്റെ ആരാധനയും അദ്ദേഹം പ്രകടിപ്പിച്ചു.
ഊഷ്മളമായ സ്വീകരണത്തിന് ബ്രസീലിയൻ താരം തൻ്റെ അഗാധമായ അഭിനന്ദനം പങ്കുവെച്ചു. ഭാവിയിൽ ഇനിയും നിരവധി രാജ്യാന്തര കളിക്കാർക്ക് സമാനമായ അനുഭവം ആസ്വദിക്കാൻ അവസരമുണ്ടാകുമെന്ന ശുഭാപ്തിവിശ്വാസമുണ്ട് അദ്ദേഹം കൂട്ടിച്ചേർത്തു.
