മദീന: യുണൈറ്റഡ് നേഷൻസ് ഹ്യൂമൻ സെറ്റിൽമെന്റ് പ്രോഗ്രാം (യുഎൻ- ഹാബിറ്റാറ്റ്) മദീന നഗരത്തിന് സുസ്ഥിര വികസന ലക്ഷ്യങ്ങളുടെ നഗര പരിപാടിയുടെ ഗോൾഡ് ലെവൽ സർട്ടിഫിക്കറ്റ് നേടി.
ഈ അംഗീകാരം മദീനയെ, ഈ നേട്ടം കൈവരിക്കുന്ന സൗദി അറേബ്യയിലെയും അറബ് മേഖലയിലെയും ആദ്യത്തെ നഗരവും എസ്ഡിജി സിറ്റീസ് പ്രോഗ്രാമിന്റെ രാജ്യാന്തര ആവശ്യകതകളുടെ രണ്ടാം ഘട്ടം പൂർത്തിയാക്കുന്ന ആഗോളതലത്തിൽ മൂന്നാമത്തെ നഗരവുമാക്കി മാറ്റി.
കഴിഞ്ഞ വർഷം സിൽവർ സർട്ടിഫിക്കറ്റ് ലഭിച്ചതിൽ നിന്ന് ഈ വർഷം ഗോൾഡ് ലെവൽ കൈവരിക്കുന്നതിലേക്കുള്ള നഗരത്തിൻ്റെ പുരോഗതി രാജ്യാന്തര തലത്തിലും ദേശീയ തലത്തിലും സുസ്ഥിര വികസന ലക്ഷ്യങ്ങൾ പ്രാദേശികവത്കരിക്കുന്നതിൽ മദീനയുടെ പ്രധാന പങ്ക് കാണിക്കുന്നു.
ഊർജ്ജസ്വലമായ ഒരു സമൂഹം കെട്ടിപ്പടുക്കുക, അവിടുത്തെ താമസക്കാരുടെ ജീവിത നിലവാരം മെച്ചപ്പെടുത്തുക, സന്ദർശകരുടെ അനുഭവങ്ങൾ സുസ്ഥിരമായി സമ്പന്നമാക്കുക എന്നിവ ലക്ഷ്യമിടുന്ന മദീനയുടെ മനുഷ്യ കേന്ദ്രീകൃത സ്മാർട്ട് സിറ്റി തന്ത്രവുമായി ഇത് യോജിക്കുന്നു.
മദീന റീജിനൻ അമീറും മദീന റീജിയൻ ഡെവലപ്മെന്റ് അതോറിറ്റി ബോർഡ് ചെയർമാനുമായ സൽമാൻ ബിൻ സുൽത്താൻ രാജകുമാരൻ ചടങ്ങിൽ അധ്യക്ഷത വഹിച്ചു.
