റിയാദ്: പുതിയ അനുഭവങ്ങള്ക്കും സ്വയം അറിയാനും നിങ്ങളൊരുക്കമാണെങ്കിൽ സഊദി അറേബ്യ നിങ്ങള്ക്കായി തയാറാണ്. ഡിസ്കവര് എ ന്യൂ സൈഡ് ഓഫ് യുവര്സെൽഫ് ഇൻ അറേബ്യ (Discover a New Side of Yourself in Arabia) എന്ന പേരിൽ സഊദി ആരംഭിച്ച ടൂറിസം ക്യാംപയ്ൻ ലോകം മുഴുവനുള്ള സഞ്ചാരികളെ ക്ഷണിക്കുകയാണ്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
അതുല്യമായ ഈ യാത്രയിലേക്ക് നിങ്ങളെ സഊദിയിലേക്ക് ക്ഷണിക്കുന്നതാകട്ടെ ആഗോള ഫുട്ബോള് സൂപ്പര്താരം ലയൺൽ മെസിയും.
സഊദിയുടെ സാംസ്കാരിക, പൈതൃക, വിനോദസഞ്ചാര വഴികളിലൂടെ ടൂറിസ്റ്റുകളെ ആകര്ഷിക്കുന്ന നാല് പാക്കേജുകളാണ് സഊദി അറേബ്യ അവതരിപ്പിച്ചിട്ടുള്ളത്. കഴിഞ്ഞ മെയ് മാസം മുതൽ സഊദി അറേബ്യ ടൂറിസത്തിന്റെ മുഖംകൂടെയാണ് ലയണൽ മെസി. അധികം പേരറിഞ്ഞിട്ടില്ലാത്ത അറേബ്യയുടെ പൈതൃകകേന്ദ്രമായി സഊദിയെ ലോകത്തിന് പരിചയപ്പെടുത്തുകയാണ് മെസി.
സഊദിയിൽ സ്വയം കണ്ടെത്താൻ സഞ്ചാരികളെ പ്രേരിപ്പിക്കുന്ന പുതിയ ടൂറിസം പാക്കേജുകള് രാജ്യത്തിന്റെ ഏറ്റവും മികച്ച കാഴ്ച്ചകളിലേക്കാണ് കൊണ്ടുപോകുന്നത്. പുരാതനമായ ചന്തകള് (souks), യുനെസ്കോ ലോക പൈതൃകകേന്ദ്രമായ റിജാൽ അൽമാ (Rijal Almaa), പ്രകൃതിയുടെ സൃഷ്ടിയായ അൽഉലയിലെ എലഫന്റ് റോക്ക് (AlUla Elephant Rock) എന്നിവയാണ് മുഖ്യ ആകര്ഷണങ്ങള്. ചരിത്രത്തെ സ്നേഹിക്കുന്നവര്ക്ക് ദിരിയ (Diriyah) കാണാം. ആധുനിക സഊദിയുടെ ജന്മസ്ഥലമാണ് ദിരിയ. യാത്രയിലുടനീളം ഹഫാവാ (Hafawah) എന്ന അറേബ്യ വിശേഷിപ്പിക്കുന്ന ആതിഥേയത്വത്തിന്റെ സംരക്ഷണം ആസ്വദിക്കാം.
സാഹസികമായ സഊദി കാണാൻ ആഗ്രഹിക്കുന്നവര്ക്ക് അതിനും വഴികളുണ്ട്. ചെങ്കടലിന്റെ തീരക്കാഴ്ച്ചകള് മുതൽ ജിദ്ദയിലെ അൽബലദിന്റെ ചരിത്രശേഷിപ്പുകളിലേക്ക് വരെ നിങ്ങള്ക്ക് ഊളിയിട്ടിറങ്ങാം. ലക്ഷ്വറിയാണ് നിങ്ങള് ആഗ്രഹിക്കുന്നതെങ്കിൽ അതിനും വഴികളുണ്ട്. അൽഉല മുതൽ സഊദി തലസ്ഥാനമായ റിയാദ് വരെ ആസ്വദിക്കാൻ അവസരങ്ങള് നിരവധി. അറേബ്യയിലെ ഏറ്റവും വലിയ ഇലക്ട്രോണിക് മ്യൂസിക് ഫെസ്റ്റിവൽ MDLBEAST നടക്കുന്നതും സൗദി അറേബ്യയിൽ തന്നെയാണ്.
സഊദി അറേബ്യയിൽ ലയണൽ മെസ്സിയുടെ കാൽപ്പാടുകള് പിന്തുടരാൻ ഇവിടെ ക്ലിക് ചെയ്യാം.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
(Lionel Messi Saudi Tourism package Saudi Arabia)
