റിയാദ്: സഊദിയിലെ സ്കൂൾ കാന്റീനുകളിലെ ഭക്ഷണത്തിന്റെ വിലയിൽ വർദ്ധനവുണ്ടാകില്ലെന്ന് സ്കൂൾ കാര്യ വിദ്യാഭ്യാസ മന്ത്രാലയം അണ്ടർസെക്രട്ടറി ഡോ. നാസർ അൽ ഷലാൻ പറഞ്ഞു.
സ്കൂൾ കാന്റീനുകളിൽ വിതരണം ചെയ്യുന്ന ഭക്ഷണത്തിന്റെ വില നിലവിലെ വിപണി മൂല്യത്തിന് അനുസൃതമായി വിലക്കയറ്റമില്ലാതെ നിലനിർത്താനും എല്ലാ ഓപ്പറേറ്റർമാരുമായും ഒപ്പുവച്ച കരാറുകളുടെ മേൽനോട്ടം വഹിക്കാനുമാണ് വിദ്യാഭ്യാസ മന്ത്രാലയത്തിന്റെ താൽപ്പര്യമെന്ന് അൽ-ഷലാൻ പറഞ്ഞു.
സ്കൂൾ പ്രിൻസിപ്പൽമാർ, സ്കൂൾ ഹെൽത്ത് ഡയറക്ടർമാർ, വിദ്യാഭ്യാസ വകുപ്പുകളിലെ പോഷകാഹാര സൂപ്പർവൈസർമാർ മുഖേന ആരോഗ്യ ആവശ്യങ്ങളെക്കുറിച്ചുള്ള കാന്റീനുകളുടെ പ്രതിബദ്ധത മന്ത്രാലയം പിന്തുടരുന്നുണ്ട്.
ഉൽപ്പാദനക്ഷമതയുള്ള കുടുംബങ്ങൾക്ക് സ്കൂളുകളിൽ ഭക്ഷണ സേവനങ്ങൾ നൽകുന്നതിന് ഇത് ഇപ്പോഴും ലഭ്യമാണെന്നും മന്ത്രാലയത്തിലെ അംഗീകൃത പ്രവർത്തന രീതികളിലൊന്നാണ് ഈ രീതിയെന്നും അൽ-ഷലാൻ അഭിപ്രായപ്പെട്ടു.
സ്കൂൾ കാന്റീനുകളുടെ വരുമാനത്തിന്റെ ഒരു ശതമാനം സാമ്പത്തിക ആവശ്യങ്ങളുള്ള വിദ്യാർത്ഥികൾക്കായി സൗജന്യ ഭക്ഷണത്തിന്റെ രൂപത്തിൽ നീക്കിവച്ചിട്ടുണ്ടെന്നും അദ്ദേഹം കൂട്ടിചേർത്തു.
സാമ്പത്തിക ആവശ്യങ്ങളുള്ള വിദ്യാർത്ഥികൾക്കായി മറ്റ് നിരവധി സംരംഭങ്ങൾ ഒരുക്കിയിട്ടുണ്ട്. അതിൽ പ്രധാനം തകാഫുൾ ചാരിറ്റി ഫൗണ്ടേഷനാണ് അത് (വാജ്ബതി – മൈ മീൽ) എന്ന പേരിൽ ആവശ്യമുള്ള വിദ്യാർത്ഥികൾക്കായി അനുവദിക്കുകയും ചെയ്യുന്നുണ്ട്.
