കുവൈത്ത് സിറ്റി: കുവൈത്തിലെ അപ്പാര്ട്ട്മെന്റിനുള്ളില് പ്രവാസിയുടെ മൃതദേഹം ജീര്ണിച്ച നിലയില് കണ്ടെത്തി. ഫഹദ് അല് അഹ്മദ് ഏരിയയിലായിരുന്നു സംഭവം. അപ്പാര്ട്ട്മെന്റില് നിന്ന് ദുര്ഗന്ധം വമിക്കുന്നതായി അയല്വാസികള് പരാതിപ്പെട്ടതോടെയാണ് പൊലീസ് അന്വേഷണം നടത്തിയത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
സുരക്ഷാ ഉദ്യോഗസ്ഥര് സ്ഥലത്തെത്തി വാതില് തുറന്ന് പരിശോധിച്ചപ്പോഴാണ് ജീര്ണിച്ച നിലയില് മൃതദേഹം കണ്ടെത്തിയത്. അഞ്ച് ദിവസത്തിലേറെ മൃതദേഹത്തിന് പഴക്കമുണ്ടെന്നാണ് റിപ്പോര്ട്ടുകള്.
മരണപ്പെട്ടയാള് അമേരിക്കന് പൗരനാണെന്നും പ്രാദേശിക മാധ്യമങ്ങളുടെ റിപ്പോര്ട്ടുകള് പറയുന്നു. മരണകാരണം ഉള്പ്പെടെയുള്ള മറ്റ് വിവരങ്ങള് ലഭ്യമല്ല.
