റിയാദ്: രാജ്യത്തിന്റെ വടക്കുഭാഗത്ത് സെപ്റ്റംബർ മാസത്തോടെ താപനില കുറയാൻ തുടങ്ങുമെന്നും ഒക്ടോബറിൽ രാജ്യത്തിന്റെ മിക്ക പ്രദേശങ്ങളിലും താപനില മിതമായിരിക്കുമെന്നും നാഷണൽ സെന്റർ ഓഫ് മെറ്റീരിയോളജിയിലെ കാലാവസ്ഥാ നിരീക്ഷകൻ അഖീൽ അൽ അഖീൽ പറഞ്ഞു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
സെപ്റ്റംബർ ഒന്നാം തീയതി മുതൽ രാജ്യത്ത് ശരത്കാലം ആരംഭിക്കുമെന്നാണ് കാലാവസ്ഥാ നിരീക്ഷകരുടെ നിരീക്ഷണമെന്നും അൽ ഇഖ്ബാരിയ ചാനലിന് നൽകിയ അഭിമുഖത്തിൽ അൽ അഖീൽ വിശദീകരിച്ചു. സെപ്റ്റംബർ മാസത്തിൽ രാജ്യത്തിന്റെ വടക്കൻ പ്രദേശങ്ങളിൽ താപനില കുറയാൻ തുടങ്ങും. തുടർന്ന് ഒക്ടോബർ മാസത്തിൽ രാജ്യത്തെ മിക്ക പ്രദേശങ്ങളിലും പരമാവധി താപനില ക്രമേണ കുറഞ്ഞു തുടങ്ങുമെന്നും അദ്ദേഹം പറഞ്ഞു.
രാജ്യത്തെ കാലാവസ്ഥ നിരീക്ഷിക്കാനായി 16 റഡാറുകൾ കണ്ണുകൾ തുറന്നിരിക്കുന്നുണ്ട്. കാലാവസ്ഥാ റഡാറുകൾ രാജ്യത്തിന്റെ ഏകദേശം 95 ശതമാനം പ്രദേശങ്ങളും ഉൾക്കൊള്ളുന്നു. പ്രത്യേക ഓപ്പറേഷൻ റൂം 24 മണിക്കൂറുമുള്ള അലേർട്ടുകളും മുന്നറിയിപ്പുകളും നൽകുന്നതിൽ ശ്രദ്ധാലുവാണെന്നും അൽ അഖീൽ സൂചിപ്പിച്ചു.
സമൂഹമാധ്യമങ്ങളിലൂടെയും വെബ്സൈറ്റിലൂടെയും പൊതുജനങ്ങൾക്കും എല്ലാ ബന്ധപ്പെട്ട അധികാരികളിലേക്കും വിവരങ്ങൾ വേഗത്തിൽ ആശയവിനിമയം നടത്തുന്നതിനുള്ള ഒരു മാർഗമായ മുൻകൂർ മുന്നറിയിപ്പ് ഓപ്പറേഷൻ റൂം നൽകാറുണ്ട്.
വീഡിയോ 👇
