തബൂക്: ലയൺസ് ആർട്സ് ആൻഡ് സ്പോർട്സ് തബൂക് സംഘടിപ്പിച്ച ക്രിക്കറ് കാർണിവൽ 2022 സീസൺ 1 മത്സരത്തിൽ മാസ്റ്റർ ബ്ലാസ്റ്റേഴ്സ് ചാമ്പ്യന്മാരായി. മംഗളൂർ സ്ട്രൈക്കേഴ്സും മാസ്റ്റർ ബ്ലാസ്റ്റേഴ്സും തമ്മിൽ നടന്ന ഫൈനൽ മത്സരത്തിൽ 8 വിക്കറ്റിന് നു മാസ്റ്റർ ബ്ലാസ്റ്റേഴ്സ് വിജയിച്ചു. മികച്ച ബൗളിംഗ് കൊണ്ടും ബാറ്റിംഗ് കൊണ്ടും തന്റെ ടീമിനെ മുന്നിൽ നിന്നും നയിച്ച ടീം ക്യാപ്റ്റൻ കൂടിയായ പ്രജിത് ആണ് കളിയിലെ കേമൻ.
മികച്ച ബൗളർ ആയി മാറ്റർ ബ്ലാസ്റ്റേഴ്സിലെ പ്രചോത ,മികച്ച ഫീൽഡർ ആയി റെസ്മി, മികച്ച ബാറ്റ്സ്മാൻ, വിക്കറ്റ് കീപ്പർ ആയി ജോസ് എന്നിവർ അർഹനായപ്പോൾ ട്യുര്ണമെന്റിലെ മികച്ച കളിക്കാരനായി പ്രജിത് തിരഞ്ഞെടുക്കപ്പെട്ടു. അൽ ഹനീൻ ഗ്രൂപ്പ് സമ്മാനിക്കുന്ന ട്രോഫിയും അൽ തസജ് ബ്രോസ്റ് സമ്മാനിക്കുന്ന ക്യാഷ് അവാർഡും, അജ്മൽ ഷഫീഖ് എന്നിവർ കൈമാറി. തബുക്കിലെ പ്രമുഖ കായിക കലാ സാംസ്കാരിക സംഘടനാ പ്രധിനിതികൾ മറ്റു ട്രോഫികൾ സമ്മാനിച്ചു.
