പതിറ്റാണ്ടുകളായി നീണ്ടുനിന്ന ശാസ്ത്രീയ വെല്ലുവിളികൾക്ക് ശേഷം, ദിവസേനയുള്ള ഇൻസുലിൻ കുത്തിവയ്പ്പുകളിൽ നിന്ന് രക്ഷ നേടുന്ന സംവിധാനം കണ്ടുപിടിച്ച് ഒരു സംഘം ശാത്രജ്ഞർ. ഇൻസുലിൻ കുത്തിവെപ്പിനു പകരം കഴിക്കുന്ന ഗുളികകളാക്കി മാറ്റുന്നതിനുള്ള, പ്രതീക്ഷ നൽകുന്ന രീതി വികസിപ്പിക്കുന്നതിൽ ഗവേഷകർ വിജയിച്ചു.
മോളിക്യുലാർ ഫാർമസ്യൂട്ടിക്സ് ജേണലിലെ ഒരു പഠനത്തെ ഉദ്ധരിച്ച് സയൻസ് ഡെയ്ലി പ്രസിദ്ധീകരിച്ച ഒരു റിപ്പോർട്ട് അനുസരിച്ച്, ജപ്പാനിലെ കുമാമോട്ടോ സർവകലാശാലയിലെ ഒരു സംഘത്തിന് ഇൻസുലിൻ കുടൽ മതിൽ കടന്ന് രക്തപ്രവാഹത്തിൽ എത്താൻ സഹായിക്കുന്ന ഒരു ചെറിയ പെപ്റ്റൈഡ് ഉപയോഗിക്കാൻ കഴിഞ്ഞതായി വെളിപ്പെടുത്തി. നിലവിൽ ഗുളികകകൾ കഴിച്ചാൽ ഇൻസുലിൻ ആഗിരണം ചെയ്യപ്പെടുന്നതിന് മുമ്പ് ദഹനവ്യവസ്ഥ അതിനെ നശിപ്പിക്കുകയും കുടൽ അത് എളുപ്പത്തിൽ കടന്നുപോകാൻ അനുവദിച്ചില്ല എന്നതാണ് ചരിത്രപരമായ പ്രശ്നം.
എന്നാൽ ഗവേഷകർ കസിപ്പിച്ചെടുത്ത DNP എന്നറിയപ്പെടുന്ന ഒരു വൃത്താകൃതിയിലുള്ള പെപ്റ്റൈഡ് ഈ പ്രശ്ന പരിഹാരത്തിനുള്ള മാർഗ്ഗമായി മാറി. ഒരു ബയോട്രാൻസ്പോർട്ടറായാണ് പുതിയ സംവിധാനം പ്രവർത്തിക്കുന്നത്. ഇൻസുലിനെ ഈ തടസ്സത്തെ മറികടക്കാൻ പ്രാപ്തമാക്കുന്നതായാണ് കണ്ടെത്തിരിക്കുന്നത്.
കുത്തിവയ്പ്പുകളെ അപേക്ഷിച്ച് ഓറൽ ഇൻസുലിന്റെ ജൈവ ലഭ്യത ഏകദേശം 33 മുതൽ 41% വരെയാണെന്ന് ഫലങ്ങൾ വെളിപ്പെടുത്തി, ഇത് താരതമ്യേന ഉയർന്ന ശതമാനമാണ്, കാരണം മുൻ ശ്രമങ്ങൾക്ക് ഇതേ ഫലം നേടാൻ വളരെ വലിയ ഡോസുകൾ ആവശ്യമായിരുന്നു.
ഈ പുരോഗതി ഓറൽ ഇൻസുലിനെ കൂടുതൽ പ്രായോഗികമാക്കുമെന്ന് ഗവേഷകർ വിശ്വസിക്കുന്നു, കാരണം ഉപയോഗ എളുപ്പം മാത്രമല്ല, ദീർഘനേരം പ്രവർത്തിക്കുന്ന ഫോർമുലേഷനുകളുടെ വികസനത്തിലേക്കോ മറ്റ് ജൈവ മരുന്നുകൾ ഉൾപ്പെടുത്തുന്നതിനുള്ള സാങ്കേതികവിദ്യയുടെ വികാസത്തിലേക്കോ ഇത് നയിച്ചേക്കാമെന്നും ഗവേഷകർ പറഞ്ഞു.
