മേഘാലയ: മേഘാലയയിലെ ഈസ്റ്റ് ജയന്തിയ ഹില്സ് ജില്ലയില് പ്രവര്ത്തിച്ചിരുന്ന അനധികൃത കല്ക്കരി ഖനിയിലുണ്ടായ അപകടത്തില് 10 തൊഴിലാളികള് മരിച്ചു. ഡൈനാമിറ്റ് ഉപയോഗിച്ച് നടത്തിയ സ്ഫോടനത്തെ തുടര്ന്നാണ് അപകടമുണ്ടായത്. സംഭവത്തെ തുടര്ന്ന് പ്രദേശത്ത് പരിഭ്രാന്തി പരന്നു.
മരിച്ചവരില് ഭൂരിഭാഗവും അസമില് നിന്നുള്ള കുടിയേറ്റ തൊഴിലാളികളാണെന്നാണ് പ്രാഥമിക വിവരം. സ്ഫോടനത്തിന് പിന്നാലെ മേഘാലയ പോലീസ് ഉടന് തന്നെ രക്ഷാപ്രവര്ത്തനം ആരംഭിച്ചു.
മരിച്ചവരില് ഒരാള് ബിഹാറിലെ കതിഗര ഗ്രാമത്തില് നിന്നുള്ളയാളാണെന്ന് സ്ഥിരീകരിച്ചിട്ടുണ്ട്. മറ്റ് തൊഴിലാളികളെ തിരിച്ചറിയുന്നതിനും അവരുടെ കുടുംബങ്ങളെ വിവരം അറിയിക്കുന്നതിനുമുള്ള നടപടികള് പുരോഗമിക്കുകയാണ്.
മേഘാലയയിലെ കല്ക്കരി ഖനികളില് നിലനില്ക്കുന്ന അപകടകരമായ തൊഴില് സാഹചര്യങ്ങളെക്കുറിച്ചുള്ള ആശങ്കകള് ഈ സംഭവം വീണ്ടും ഉയര്ത്തിയിട്ടുണ്ട്. രക്ഷാപ്രവര്ത്തനങ്ങള് ഇപ്പോഴും തുടരുകയാണ്.
