സഊദിയിൽ വായ, മോണ രോഗങ്ങൾ വ്യാപകം; ചില കാര്യങ്ങൾ ശ്രദ്ധിക്കണമെന്ന് ആരോഗ്യ വിദഗ്ധൻ

റിയാദ്: രാജ്യത്ത് ആളുകൾക്കിടയിൽ വായ്, മോണ, ദന്തക്ഷയം രോഗങ്ങൾ വ്യാപകമാണെന്നും സമൂഹത്തിലെ അംഗങ്ങൾ ഇതിന്റെ വിഷമതകൾ വ്യാപകമായി അനുഭവിക്കുന്നുണ്ടെന്നും ആരോഗ്യ വിദഗ്ധൻ മുന്നറിയിപ്പ് നൽകി. ഓറൽ രോഗങ്ങളും പെരിയോഡോണ്ടൈറ്റിസ് ശസ്ത്രക്രിയകളിലും ഡെന്റൽ ഇംപ്ലാന്റുകളിലും കൺസൾട്ടന്റായ അബ്ദുല്ല അൽ ഒമരിയാണ് ഇക്കാര്യം വെളിപ്പെടുത്തിയത്.

“വായ, മോണ, പല്ല് നശിക്കൽ തുടങ്ങിയ രോഗങ്ങൾ വ്യാപകമാണെന്നും സഊദി സമൂഹം അവ അനുഭവിക്കുന്നുണ്ടെന്നതിലും സംശയമില്ല. വായയുടെയും പല്ലിന്റെയും ആരോഗ്യത്തിന്റെ പ്രാധാന്യത്തെക്കുറിച്ചുള്ള അവബോധം വളർത്തിയെടുക്കുക എന്നതാണ് ഇവിടെ നമ്മുടെ പങ്ക്.

ദന്തഡോക്ടറെയും ഇതുമായി ബന്ധപ്പെട്ട ചികിത്സകരെയും സന്ദർശിക്കേണ്ടതിന്റെ പ്രാധാന്യത്തെക്കുറിച്ച് അവബോധം വളർത്തണം, കൂടാതെ ആരോഗ്യ പരിശീലകന്റെ പങ്ക് ശക്തിപ്പെടുത്തുകയും ഈ മേഖലയിലെ ഏറ്റവും പുതിയ സംഭവവികാസങ്ങൾക്ക് അനുസൃതമായി ഏറ്റവും പുതിയ സാങ്കേതികവിദ്യകളിൽ കഴിവുകൾ വികസിപ്പിക്കുകയും വേണമെന്നും അദ്ദേഹം പറഞ്ഞു.