ഹൃദയാഘാതം; പെരിന്തൽമണ്ണ സ്വദേശിയായ യുവാവ് ഉമ്മുൽ ഖുവൈനിൽ മരണപ്പെട്ടു

• രണ്ടാഴ്ച്ച മുമ്പാണ് നാട്ടിൽ നിന്ന് മടങ്ങിയെത്തിയത്

ഷാർജ: മലപ്പുറം പെരിന്തൽമണ്ണ സ്വദേശിയായ യുവാവ് ഹൃദയാഘാതം മൂലം യുഎഇയിലെ ഉമ്മുൽ ഖുവൈനിൽ നിര്യാതനായി. താഴെക്കോട് അമ്മിനിക്കാട് വടക്കേകരയിലെ കിഴക്കേപ്പുറത്ത് പരേതനായ മുസ്തഫ കോയ തങ്ങളുടെ മകൻ സയ്യിദ് ഫൈറൂസ് തങ്ങളാണ് മരണപ്പെട്ടത്. മുപ്പത്തിയൊന്ന് വയസായിരുന്നു.

ടെക്സ്റ്റയിൽ ഷോപ്പിലെ ജീവനക്കാരനായിരുന്നു. നാട്ടിൽ വന്ന് 6 മാസം അവധിക്ക് ശേഷം, 15 ദിവസം മുമ്പാണ് തിരിച്ചു വന്നത്.

ഭാര്യ : പുതിയമാളിയേക്കൽ ഫഹ്‌മിദ ബീവി (തിരുവേഗപ്പുറം). നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിൽ കൊണ്ടുപോകാനുള്ള നടപടികൾ പുരോഗമിക്കുന്നു.