റിയാദ്: ഇന്ത്യയിൽ നിന്നും സഊദിയിലേക്കുള്ള നേരിട്ടുള്ള വിമാന സർവ്വീസ് കാര്യത്തിൽ തീരുമാനം ആയിട്ടില്ലെന്ന് സഊദിയിലെ ഇന്ത്യൻ അംബാസിഡർ ഡോ: ഔസാഫ് സഈദ്. ചാനലിന് നൽകിയ അഭിമുഖത്തിലാണ് ഇന്ത്യൻ അംബാസിഡർ സഊദി പ്രവാസികൾക്ക് നിരാശ നൽകുന്ന പ്രസ്താവന നടത്തിയത്. ഈ മാസം അവസാനത്തോടെ സർവ്വീസുകൾ പുനഃരാരംഭിക്കുമെന്ന വാർത്ത നേരത്തെ പുറത്ത് വന്നിരുന്നു. ഇത് പ്രതീക്ഷിച്ച് നിൽക്കുന്നതിനിടെയാണ് പുതിയ പ്രസ്താവന.
ഇന്ത്യയിൽ വാക്സിനേഷൻ സംബന്ധിച്ച കാര്യങ്ങൾ സഊദി അധികൃതരെ ബോധ്യപ്പെടുത്തിയെന്നും നിലവിലെ പുതിയ സാഹചര്യത്തിൽ സർവ്വീസുകൾ പുനഃസ്ഥാപിക്കുമെന്നാണ് പ്രതീക്ഷയെന്നും അംബാസിഡർ വ്യക്തമാക്കി.
