വിമാനയാത്രക്കിടെ നാടകീയ രംഗങ്ങൾ അരങ്ങേറി. സഊദിഎയർലൈൻസ് വിമാനത്തിലാണ് യാത്രക്കാരുടെ ജീവന് തന്നെ ഭീഷണിയായ നടകീയ രംഗങ്ങൾ ഉണ്ടായത്. വിമാന യാത്രക്കിടെ എയർഹോസ്റ്റസിനെ ആക്രമിച്ച യാത്രക്കാരൻ വിമാനത്തിന്റെ എമർജൻസി എക്‌സിറ്റ് തുറന്നു. ലണ്ടനിലെ ഹീത്രോ വിമാനത്താവളത്തിൽ ഇറങ്ങുന്നതിനു തൊട്ടു മുമ്പാണ് ഒരു നാടകീയ സംഭവത്തിന് സാക്ഷ്യം വഹിച്ചു.
റൺവേയിലൂടെ ടാക്സി ചെയ്യുകയായിരുന്ന സഊദി അറേബ്യൻ എയർലൈൻസ് വിമാനത്തിന്റെ വാതിൽ ഒരു യാത്രക്കാരൻ തുറന്നു. ഇത് അടിയന്തര സാഹചര്യത്തിൽ ഇറങ്ങാൻ സഹായിക്കുന്ന സ്ലൈഡ് പുറത്തിറക്കാൻ കാരണമാവുകയും മണിക്കൂറുകളോളം വിമാനം തടസ്സപ്പെടുകയും ചെയ്തു.
ടേക്ക് ഓഫ് വൈകി
ആഗസ്റ്റ് 28 വ്യാഴാഴ്ച ജിദ്ദയിൽ നിന്ന് SV120 വിമാനത്തിൽ ലണ്ടൻ നഗരത്തിലേക്ക് പോകുകയായിരുന്ന HZ-AR27 രജിസ്റ്റർ ചെയ്ത B787-10 വിമാനത്തിലാണ് സംഭവങ്ങൾ അരങ്ങേറിയത്. ഈ സംഭവം ഏകദേശം നാല് മണിക്കൂർ ടേക്ക് ഓഫ് വൈകിപ്പിച്ചു.
ബ്രിട്ടീഷ് പത്രമായ ദി സൺ പ്രകാരം, 33 കാരനായ യാത്രക്കാരനാണ് പ്രശ്നക്കാരൻ. ക്യാബിൻ ക്രൂ അംഗവുമായി തർക്കത്തിൽ ഏർപ്പെട്ട യാത്രകാരൻ, തുടർന്ന് കാബിൻ ക്രൂ അംഗത്തെ ആക്രമിക്കുകയും വിമാനം റൺവേയിൽ കൂടെ പോകുന്നതിനിടെ തന്നെ പെട്ടെന്ന് വാതിൽ തുറക്കുകയും ചെയ്തു.
ഫ്ലൈറ്റ് ക്രൂ ഉടൻ തന്നെ “അക്രമൊത്സുകനായ യാത്രക്കാരനെ” കുറിച്ച് റിപ്പോർട്ട് ചെയ്തു. ക്യാപ്റ്റൻ വിവരം കൺട്രോൾ റൂമിൽ അറിയിച്ചതോടെ പോലീസും രക്ഷാപ്രവർത്തകരും വിമാനം വളഞ്ഞു. യാത്രക്കാരനെ അറസ്റ്റ് ചെയ്തു.
പ്രതീക്ഷിക്കുന്ന ശിക്ഷ
ബ്രിട്ടീഷ് പോലീസിന്റെ അഭിപ്രായത്തിൽ, ഇയാൾക്കെതിരെ നിരവധി കുറ്റങ്ങൾ ചുമത്തിയിട്ടുണ്ട്, അവയിൽ ഏറ്റവും പ്രധാനം: ഒരു വിമാനത്തെ അപകടപ്പെടുത്താൻ ശ്രമിക്കുക, ക്രൂ അംഗങ്ങളെ ആക്രമിക്കുക എന്നിവയാണ്.
ഈ കുറ്റകൃത്യങ്ങൾക്ക് അഞ്ച് വർഷം വരെ തടവും പിഴയും ലഭിക്കും. അയാൾ വരുത്തിയ നാശനഷ്ടങ്ങൾക്കും പ്രവർത്തന നഷ്ടങ്ങൾക്കും ഗണ്യമായ സാമ്പത്തിക ക്ലെയിമുകൾ നേരിടേണ്ടിവരാനും സാധ്യതയുണ്ട്.
