ജിദ്ദ: അസുഖബാധിതനായി ചികിത്സയിലിരിക്കെ മലപ്പുറം സ്വദേശി ജിദ്ദയിൽ മരിച്ചു. വേങ്ങര കണ്ണമംഗലം പഞ്ചായത്തിലെ ബദരിയ്യ നഗർ സ്വദേശിയും ജിദ്ദ ഫൈസലിയയിൽ താമസക്കാരനുമായിരുന്ന കോയിസ്സൻ ഫൈസൽ (40) ആണ് മരിച്ചത്.
അസുഖത്തെ തുടർന്ന് ജിദ്ദ കിങ് ഫഹദ് ആശുപത്രിയിൽ ചികിത്സയിലിരിക്കെ വെള്ളിയാഴ്ചയായിരുന്നു മരണം.
ഭാര്യ: ഫാത്തിമ. മക്കൾ: മെഹബൂബ് റഹ്മാൻ, മുഹ്സിന, മുർഷിദ.
നിയമനടപടികൾ പൂർത്തിയാക്കാൻ കെ.എം.സി.സി ജിദ്ദ വെൽഫയർ വിങ് അംഗങ്ങൾ രംഗത്തുണ്ട്.
