റിയാദ്: 91 -ാമത് സഊദി ദേശീയ ദിനത്തിന്റെ ആഘോഷത്തിന്റെ ഭാഗമായി റോയൽ സഊദി എയർ ഫോഴ്സ് തിങ്കളാഴ്ച, ജിദ്ദ, തായിഫ് നഗരങ്ങളിൽ നടത്തിയ എയർ ഷോ ആകാശത്തു വിസ്മയം വിതറി. റോയൽ സഊദി എയർ ഫോഴ്സിന്റെ K3-MRTT വിമാനം, ഫാൽക്കൺസ് ടീം, പെയിന്റ് ചെയ്ത കോംബാറ്റ് എയർക്രാഫ്റ്റ് എന്നിവ ഷോകളിൽ പങ്കെടുത്തതായി പ്രതിരോധ മന്ത്രാലയം പ്രസ്താവിച്ചു, കൂടാതെ 91 യുദ്ധവിമാനങ്ങളുടെ യൂണിറ്റുകൾ രൂപീകരിക്കുകയും ചെയ്തിട്ടുണ്ട്.
പ്രകടനങ്ങൾ സഊദി പൈലറ്റുമാരുടെ നൈപുണ്യവും ചാതുര്യവും ദൗത്യങ്ങൾ നിർവഹിക്കാനുള്ള കഴിവും സന്നദ്ധതയും പ്രകടിപ്പിക്കുന്നതായിരുന്നു. പ്രദർശന പ്രകടനങ്ങൾ നിവാസികളിൽ നിന്നുള്ള അംഗീകാരവും നേടി, ജിദ്ദ ആകാശത്തെ വർണ്ണാഭമായ വരകളാൽ അലങ്കരിച്ച നിരവധി പ്രദർശന ഫ്ലൈറ്റുകൾ കരഘോഷത്തോടെയാണ് ഏറ്റെടുത്തത്. വരും ദിവസങ്ങളിലും വിവിധ ഭാഗങ്ങളിൽ പ്രകടനം നടക്കും.
ഫോട്ടോകളും വീഡിയോയും കാണാം👇
