റിയാദ്: 2020 മോഡൽ ഹ്യുണ്ടായ് സൊണാറ്റ കാറുകൾ വിപണിയിൽ നിന്ന് തിരിച്ചു വിളിക്കാൻ സഊദി വാണിജ്യ മന്ത്രാലയം നിർദേശം നൽകി.
എഞ്ചിനിലെ തകരാറാണ് തിരിച്ചുവിളിക്കാനുള്ള കാരണമെന്ന് മന്ത്രാലയം വിശദീകരിച്ചു. ഈ തകരാർ സാധാരണയുള്ളതിനേക്കാൾ ഉയർന്ന എണ്ണ ഉപഭോഗത്തിലേക്ക് നയിച്ചേക്കാമെന്നും എഞ്ചിൻപരാജയപ്പെടാനുള്ള സാധ്യത വർദ്ധിപ്പിക്കുന്നുവെന്നും മന്ത്രാലയം പറഞ്ഞു.
7,671 കാറുകൾ ആണ് തിരിച്ചു വിളിച്ചത്. ആവശ്യമായ അറ്റകുറ്റപ്പണികൾ സൗജന്യമായി നടത്താൻ ഏജന്റുമായി ആശയവിനിമയം നടത്താൻ ഉപഭോക്താക്കളോട് ആവശ്യപ്പെടുന്നുവെന്നും മന്ത്രാലയം ചൂണ്ടിക്കാട്ടി. “റീകാൾ” സൈറ്റിലെ സാധാരണ നിരക്കിനേക്കാൾ ഉയർന്ന നിരക്കിൽ എഞ്ചിൻ ഓയിൽ ഉപയോഗിക്കുന്നതിലെ തകരാറുമായി ബന്ധപ്പെട്ട മുമ്പ് പ്രഖ്യാപിച്ച തിരിച്ചുവിളിക്കുള്ള ചേസിസ് നമ്പറുകളിൽ കൂടുതൽ ചേസിസ് നമ്പറുകൾ ഉൾപ്പെടുത്തി പുതുക്കിയതായി മന്ത്രാലയം ചൂണ്ടിക്കാട്ടി. നേരത്തെ, 2020 ജൂണിൽ ഇതേ മോഡലിന്റെ 7,000 വാഹനങ്ങൾക്കായി മന്ത്രാലയം തിരിച്ചുവിളിക്കൽ കാമ്പയിൻ ആരംഭിച്ചിരുന്നു.
