കൊൽക്കത്ത: പരിശോധനയ്ക്കായി നിലത്തിറക്കിയ ഇൻഡിഗോ വിമാനത്തിന്റെ എഞ്ചിനിൽ നിയന്ത്രണം വിട്ട ഒരു കാറ്ററിങ് വാഹനം ഇടിച്ചു. കൊൽക്കത്ത വിമാനത്താവളത്തിലാണ് സംഭവം. വിമാനത്താവളത്തിലെ പാർക്കിങ് ബേ നമ്പർ 51 ലാണ് അപകടമുണ്ടായത്. വിമാനത്തിന് ചെറിയ കേടുപാടുകൾ സംഭവിച്ചതായാണ് റിപ്പോർട്ടുകൾ.
”വാഹനം മുന്നോട്ടു നീങ്ങി വിമാനത്തിന്റെ എൻജിനുമായി കൂട്ടിയിടിക്കുകയായിരുന്നു. വിമാനം സമഗ്രമായ പരിശോധനകൾക്കും ആവശ്യമായ അറ്റകുറ്റപ്പണികൾക്കും വിധേയമായിക്കൊണ്ടിരിക്കുകയാണ്,” ഇൻഡിഗോ പ്രസ്താവനയിൽ പറഞ്ഞു,
“വിമാനം 6E 6663 വിമാനം കൊൽക്കത്തയിൽ നിന്ന് ഗുവാഹത്തിയിലേക്ക് സർവീസ് നടത്താനായിരുന്നു ഷെഡ്യൂൾ ചെയ്തിരുന്നത്,” ഇൻഡിഗോ കൂട്ടിച്ചേർത്തു.
