- സാധുവായ പ്രൊഫഷണൽ അംഗീകാരമില്ലാതെ പ്രാക്ടീസ് ചെയ്ത 684 എഞ്ചിനീയർമാരെ സഊദി കൗൺസിൽ ഓഫ് എഞ്ചിനീയേഴ്സ് തിരിച്ചറിഞ്ഞു.
റിയാദ്: സഊദി എൻജിനീയറിങ് കൗൺസിൽ അക്രഡിറ്റേഷൻ ഇല്ലാതെ എൻജിനീയറിങ് ജോലി ചെയ്ത നൂറു കണക്കിന് പ്രവാസികൾ സഊദിയിൽ അറസ്റ്റിൽ. സാധുവായ പ്രൊഫഷണൽ അംഗീകാരമില്ലാതെ പ്രാക്ടീസ് ചെയ്ത 684 എഞ്ചിനീയർമാരെയാണ് സഊദി എഞ്ചിനീയറിംഗ് കൗൺസിൽ കണ്ടെത്തി തുടർ നടപടികൾ സ്വീകരിച്ചത്.
തലസ്ഥാന നഗരിയായ റിയാദ്, കിഴക്കൻ മേഖലയിലെ വാണിജ്യ വ്യാവസായിക നാഗരിയായായ അൽ ഖോബാർ, ദമ്മാം എന്നിവിടങ്ങളിൽ പ്രവർത്തിക്കുന്ന 10 പ്രധാന കോൺട്രാക്റ്റിംഗ്, പ്രോജക്ട് മാനേജ്മെന്റ് കമ്പനികളാണ് ഈ എഞ്ചിനീയർമാരെ ജോലി ചെയ്യിച്ചിരുന്നത്. ഇത്രയും നിയമ ലംഘകരെ കണ്ടെത്തി കൗൺസിൽ മൊത്തം 1.6 ദശലക്ഷം റിയാൽ പിഴയും ചുമത്തി.
അന്വേഷണങ്ങളിൽ അവരുടെ പ്രൊഫഷണൽ അംഗീകാരങ്ങൾ കാലഹരണപ്പെട്ടതിനുശേഷവും എഞ്ചിനീയർമാർ എൻജിനീയർ ജോലി തുടർന്നതായി കണ്ടെത്തി. കൗൺസിൽ ഉദ്യോഗസ്ഥർ നടത്തിയ പരിശോധനാ സന്ദർശനത്തിനിടെയാണ് ലംഘനങ്ങൾ കണ്ടെത്തിയത്. എല്ലാ എഞ്ചിനീയറിംഗ് പ്രാക്ടീഷണർമാർക്കും അവരെ നിയമിക്കുന്ന സ്ഥാപനങ്ങൾക്കും സാധുവായ പ്രൊഫഷണൽ അക്രഡിറ്റേഷൻ നിലനിർത്തേണ്ടത് നിയമപരമായി ബാധകമായ ആവശ്യകതയാണെന്ന് കൗൺസിൽ ഊന്നിപ്പറഞ്ഞു.
