കെപിസിസി പുനഃസംഘടനയ്ക്കെതിരെ പരോക്ഷ പരിഹാസവുമായി മുന് കെപിസിസി അധ്യക്ഷന് കെ സുധാകരന്. പുനഃസംഘടനയില് താന് തൃപ്തനാണെന്നും ഇത്രയും തൃപ്തി മുമ്പെങ്ങും ഉണ്ടായിട്ടില്ലെന്നുമാണ് കെ. സുധാകരന്റെ പരിഹാസം. കേരള രാഷ്ട്രീയത്തില് പിടിമുറുക്കുന്ന കെ. സി. വേണുഗോപാലിനോടുള്ള എതിര്പ്പാണ് പരസ്യമാക്കിയാണ് സുധാകരന്റെ പരാമര്ശമെന്ന വിലയിരുത്തലുണ്ട്.
കെപിസിസി പുനഃസംഘടനയില് ജംബോ കമ്മിറ്റി പ്രഖ്യാപനത്തിന് പിന്നാലെ കോണ്ഗ്രസില് കല്ലുകടി രൂക്ഷമാവുന്നതിനിടെയാണ് കെ. സുധാകരന്റെയും പ്രതികരണം. മുന് യൂത്ത് കോണ്ഗ്രസ് നേതാക്കളെ പരിഗണിച്ചില്ലെന്ന പരാതിയും ഉയര്ന്നിരുന്നു.
